مملکت جمهور رئیسی نینگ ایتیشیچه، «بیز تینچلیک اساسچیسی‌میز» و دایمی تینچلیک‌که قول تاپیش و طالبان بیلن سوزلشوولر باشله‌نیشی اوچون بوتون بهانه‌لر و توسیق‌لرنی اوزاق لشتیردیک.
بوگون "پنجشنبه" مملکت جمهور رئیسی محمداشرف غنی، ویدیویی بیر پیام آرقه‌لی، طالبان گروهی‌دن دایمی آتیش‌کیسینی قبول قیلیب و افغانستان دولتی بیلن سوزلشووگه تیار بولیشی‌نی سوره‌گن.
جمهور رئیسی نینگ ایتیشیچه: «تینچلیک الهی امر، اهالی آرزوسی و ملی آرمانی‌میز دیر، تینچلیک‌که قول تاپیش‌نی بیز رسالت و مسوولیتی‌میز بیله‌میز. انه‌شو سبب، طالبان گروهی‌دن آتیش‌کیسین اعلان قیلیب و مذاکره قیلیشی‌نی ایسته‌یمیز.»
جناب غنی نینگ تاکید قیلیشیچه: «بیز تینچلیک تامین‌لنیشی اوچون سعی و حرکت قیله‌میز و اوشبو تینچلیک‌که یاش‌لر اوز وطن‌لرینی توزه‌تیش اوچون شغل‌له‌نیشی کیره‌ک.»
اونینگ کوپه‌یتیریشیچه، بیز افغانستان بوتون قوم‌لری آرام و تینچ فضا ده بیربیراولری بیلن تیریک‌چیلیک قیله‌دیگن تینچلیک‌نی کیلتیره‌میز.
افغانستانلیکلر ارا سوزلشوولرنی 26 اسد ده قطر باشکنتی دوحه شهریده یولگه قویلیشی خصوصیده قرار قیلینگن ایدی، بیراق طالبان 400 محبوسی نینگ قوییب یوباریلیش جریانی توخته‌تیلگنی سبب، اوشبو گروه افغانستانلیکلر ارا سوزلشوولرگه توسیق بولگن.
