جمهورلیک سرایی سوزلاوچیسی اورین باسری ظفر هاشمی‌نینگ سلام‌وطندارگه ایتیشیچه، سیلاولر تیزیمی اصلاحات کیریتیش خصوصیده خاص کمیسیون ایجاد ایتیلیشی و سیلش کمیته‌سی، حقیقت‌ده مملکت اساسی قانونگه تعدیلات کیلتیریش توغری‌سیده یولگه قوییله‌دیگن لویه جرگه اوچون اونملی آدیم‌لردن بولگن.
جناب هاشمی‌نینگ ایتیشیچه، ملی بیرلیک حکومت جمهور رییسی و اجراییه باشلیغی‌نینگ، اساسی بحث‌لری، تعیین‌لنگن پیت‌ده اساسی قانون تعدیلاتی اوچون لویه جرگه یولگه قوییلیشی دیر. جمهورلیک سرایی سوزلاوچیسی اورین باسری‌نینگ اورغولشیچه، اساسی قانون تعدیلاتی خصوصیده‌گی لویه جرگه، پارلمان و تومن‌لر کینگشی سیلاولری اوتکزیلیشی‌گه باغلیق.
ملی بیرلیک حکومت رهبرلری‌نینگ، سیاسی کیلیشوونامه‌لری ایکینچی ماده‌سی اساسیده، اساسی قانونگه تعدیلات کیلتیریش لویه جرگه، ملی بیرلیک حکومتی ایکی ییل‌لیک ایشی باشله‌نیشی‌ده، باش وزیرلیک ریجه‌سی بحث‌گه آلینیشی لازم. دیمک لویه جرگه یولگه قوییلیشی‌دن آلدین، جمهور رییس، اجراییه باشلیغی مصلحتی اساس، بیر بویروغ آرقه‌لی اساسی قانونگه تعدیلات کیلتیریش مقدمه‌سی اوچون بیر کمیسیون تشکیل بیره‌دی.
انچه پیت آلدین، حکومت اجراییه باشلیغی، مدنی جماعه‌چیلیک فعال‌لری بیلن اوتکزگن ییغینیده، هر قنقه لویه جرگه «مملکت اساسی قانونی اساسیده» یولگه قوییلیشینی ایتکن ایدی. مدنی قوریلمه‌لردن بیرقطاری حاضرگی شرایط‌ده لویه جرگه یولگه قوییلیشینی قیین ایش و مملکت اساسی قانونگه قرشی‌دیب بیله‌دیلر.
جناب عبدالله عبدالله‌نینگ اورغولشیچه، ملت تقدیری و لویه جرگه نام و نشانی بیلن اوینه‌یدیگن کیشی‌لرگه هیچ قچان رخصت بیرمه‌یدی. حکومت اجراییه ریاستی ایشانچی‌گه کوره، مملکت‌ده خلق آوازی ارا تشکیل ایتیلگن قانونی حکومت بولگن صورتده، لویه جرگه یولگه قوییلیشی‌گه هیچ قنقه احتیاج یوق دیر.
شونینگ‌دیک بوندن آلدین، ملی کینگش اعضالریدن بیرقطاری، ناتینچ‌لیک‌لرنی یکونلنتیریش و ملی بیرلیک حکومت سیاسی کیلیشوونامه‌سی عملی بولیشی خصوصیده، لویه جرگه یولگه قوییلیشینی ایسته‌گن ایدی.
