افغانستان جمهورلیک ریاستی سرایی‌ده بوگون تینچلیک تأمین‌لنیشی و بو جریان آلغه آلیب باریلیشی خصوصیده، بیردملیک عالی کینگشی نینگ بیرینچی ییغینی بولیب اوتدی.
اوشبو ییغینده جمهور رئیس محمداشرف غنی نینگ ایتیشیچه، بو کینگش کوپینچه مصلحت‌لردن سونگ تشکیل ایتیلگن و اولرنینگ بوگونکی ییغینی کمیده 2 آیلیک سوزلشوولر نتیجه‌سی دیر.
جمهور رئیس گه کوره، مذکور کینگش نینگ ییغین‌لریده تینچلیک جریانینی هدف‌لری و طالبان گروهی بیلن افغانستانلیک مذاکره‌چی‌لرنینگ تشکیلی توغریسیده اونملی قرارلر آلینه‌دی.
جمهور رئیس غنی نینگ ایتیشیچه، نظام و 18 ییل‌لیک یوتوقلرگه قرشی صحبت قیله‌دیگن کیشی‌لر تینچلیک سوزلشوولر هیأتی‌گه شامل بولمه‌سین.
طالبان گروهی بیلن مذاکره قیله‌دیگن هیأت اعضالرینی تعیین‌لش اوشبو کینگش مسوولیتی دن دیر.
بوگون "یکشنبه" بیردملیک عالی کینگش سوزلاوچیسی محمدعمر داوودزی‌نینگ کابلده بیر خبری ییغینده ایتیشیچه، طالبان گروهی بیلن مذاکره قیله‌دیگن هیأت نینگ مسوولیت و صلاحیت‌لری کیینکه ییغینده بیللی ایتیله‌دی.
داوودزی نینگ کوپه‌یتیریشیچه، بوگون کی ییغینده، قطر تینچلیک سوزلشوولریده افغانستانلیک بیر هیأت نینگ اشتراک قیلیشی خصوصیده قرار قیلینگن.
معلومات‌لرگه کوره، بیردملیک عالی کینگشی نینگ مسووللری قیزیل چیزیق و هیأت اعضالرینی تعیین قیلگنی دن سونگ، اوشبو کینگش نینگ چهارشنبه کونده‌گی ییغینیده مسوده عنوانی‌گه پیشنهاد ایتیلیب و اوندن سونگ تصویب ایتیلیشی ممکن.
