د ننګرهار ولایت په مرکز جلالاباد ښار کې شاوخوا ۱۲ بجې د ټاکنو نوملیکنې یو مرکز ته نږدې چاودنې ۶ ولسي وګړي او یو پولیس ټپیان کړي دي.
د والي ویاند عطاالله خوږیاڼی پېښه تاییدوي او وايي، چاودنه د جلالاباد ښار څلورمې ناحیې اړوند ۱۶فامیلي سیمه کې یو جومات ته نږدې شوې ده.
دغه ځای کې د ټاکنو لهپاره د نوملیکنې مرکز هم موجود دی او دغهراز په ټپیانو کې یوه ماشومه هم شته .
هغه وايي، چاودېدونکي توکي په یو زرنج موټرسایکل کې ځای پر ځای شوي وو.
اخوا د ننګرهار د عامې روغتیا ریاست ویاند انعام الله میاخېل ویلي، له یادې چاودنې د جلالاباد حوزوي روغتون ته ۷ کسان وروړل شوي چې یو پولیس او شپږ نور کوچنیان دي.
میاخېل وايي، د ټپیانو حالت ډادمن دی.
د پېښې عیني شاهدانو رسنیو ته ویلي په دغې چاودنې کې له لسو ډېر کسان ټپيان شوي دي.
تر اوسه د چاودنې مسوولیت هېڅ وسلهوالې ډلې نه دی اخیستی.
