افغانستان جمهور رییسی محمداشرف غنی و بلخ ولایتیدن چیکلنتیریلگن والی عطامحمد نور آره‌سیده‌گی جنجل‌لر دوامیده، امریکا قوشمه ایالت‌لری جمهور رییسی‌نینگ اورین باسری مایک پنس دن سونگ، افغانستان بوییچه امریکانینگ ینگی ایلچیسی جان بِس، بلخ ده قدرت تینچلیک‌ده انتقال بیریلیشی و جنجل‌لر قانون اساسیده، حل ایتیلیشی اوستیگه تأکیدلب ایتیشیچه، بلخ ده قدرت انتقال بیریلیشی تینچلیک و قانون اساسیده، حل ایتیلیشی لازم.
بوگون «پنج‌شنبه» کابل‌ده بیرینچی اوتکزگن خبری ییغینده جناب بِس‌نینگ ایتیشیچه، ارگ و بلخ آره‌سیده‌گی جنجل‌لر، افغانستانلیک‌لر آره‌سیده ایچکی بحث و امریکا بو جنجل‌لر قانون حاکمیتی و قانون اساسیده، حل بولیشی‌دن حمایت قیله‌دی. جناب بِس گه کوره، افغانستانده هیچ بیر کیشی قانوندن یوقاری ایمس و سونگی جنجل‌لر هم شو اصل‌ده حل بولیشی کیره‌ک.
امریکا ایلچیسی گه کوره، بلخ ده انتقال بیریله‌دیگن قدرت، افغانستان‌نینگ امنیتی و سیاسی بیلشوولر فضاسیگه زیان ییتکیزمه‌ی و خلق منفعتی گه بولیشی لازم.
افغانستان اوچون امریکا ایلچیسی‌نینگ ایتیشیچه، مملکتی افغانستان ایرکین‌لیگی گه حرمت بیلن قره‌یدی و خلق دن جمهور رییس ایرکین‌لیک‌لرینی سلب قیلمس‌لرینی طلب قیلگن.
جناب بِس، افغانستان اهالیسی و سیاستچی‌لریدن ملی منفعت‌لرنی نظرگه آلیب و بو جنجل‌لر حل بولیشی‌گه سعی و حرکت قیلیش‌لرینی سوره‌دی. امریکا ایلچیسی‌نینگ ایشانچی‌گه کوره، بو جنجل‌لر افغانستان دوشمن‌لری‌نینگ منفعتی‌گه دیر و برچه بولیم‌لر رواجلنیشی‌گه توسیق بوله‌دی.
افغانستان بوییچه امریکا ایلچیسی، افغانستان تینچلیگی‌ده قوشنی مملکت‌لر رولی توغریسیده بیریلگن سوراق جوابی‌گه ایتیشیچه، قوشنی مملکت‌لر اینیقسه پاکستان‌نینگ بیلیشی کیره‌ک کیم، ناتینچلیک‌لر و ترورچیلیک فعالیت‌لر کونلردن بیر کون اولرگه هم قیین‌چیلیک یره‌تیشی ممکن.
یقین آره ده افغانستان تینچلیگی توغریسیده روسیه مملکتی میزبانلیگی بیلن مسکو ده کته بیر ییغین یولگه قوییلیشی خصوصیده قرار قیلینگن. اوشبو ییغیندن روسیه میزبانلیگی توغریسیده جان بِس‌نینگ ایتیشیچه، افغانستان‌نینگ کیله‌جک قراری قوشنی مملکت‌لر و ترورچی گروه‌لرگه ایمس، بلکیم افغانستان اهالیسی‌گه تیگیشلی بوله‌دی.
