غزنی ولایتی کینگش عضوی نصیراحمد فقیری جاغوری یشاوچی‌لریدن ینه 7کیشی اوغیرلنیشی‌دن خبر بیردی.
جناب فقیری‌نینگ بیلدیریشیچه، اوغیرلنگن اهالی پنج‌شنبه کون توشدن کیین تانیق‌سیزقورالی‌لر تامانیدن غزنی-جاغوری یولیده موتردن توشیریلیب آلیب کیتیلگن‌لر.
غزنی امنیت آمری اسدالله انصافی‌نینگ خبرنی تأیید قیلیب ایتیشیچه، قورالی‌لر قره‌باغ منطقه‌سیده تینج اهالینی موتردن توشیریب آلگنلیگی‌نی بیلدیردی.
اونینگ کوپه‌یتیریشیچه، موضوع تیکشیریلیش ایشی باشلنگن.
انه شوحالده جاغوری ولسوالی ظفر شریف نینگ بیلدیریشیچه، اوغیرلنگن‌لر ارا بیرعیال و بیر کیکسه کیشی بار ایکن، قویب یوباریلگن. بو قویب یوباریلگن‌لرنینگ ایتیشیچه، قورالی‌لر 7 کیشینی موتردن توشیریب اوزلری بیلن بیرگه آلیب کیتگن.
قویب یوباریلگن‌لرنینگ بیلدیریشیچه، حادثه 22- اسد توشدن کیین ساعت 4 ده روی بیرگن.
بو شوپیت‌ده بوله‌دی که، سه‌شنبه آقشامی هم اوشبو محلدن 11 کیشی موترلریدن توشیریلیب نا معلوم ییرده آلیب کیتیلگن ایدی. شونینگ‌دیک اوشبو کونده جاغوری یشاوچی‌لریدن باشقه 4 ته‌سی بیرینچی‌دن طالب‌لر تامانیدن اسیر آلینیب کیین اوقگه آتیلگن ایدی.
حاضرگه قدر حادثه مسؤولیتینی قیسی گروه یا کیشی اوز بوینیگه آلمه‌گن.
