عاموی اخبارات واسطه‌لرینی حمایت قیلیووچی اداره‌لرنینگ مسووللری، طالب‌لر بیلن اوتکزیله‌جک تینچ‌لیک مذاکره‌لرده سوز ایرکین‌لیگی قربان بولمس‌لیگی‌نی ایتگن‌لر. اوشبو مسووللر اوتگن 13 ییل جریانی‌ده قول‌گه کیرتیلگن سوز ایرکین کوپراق جانلنیشی اوچون تاکیدله‌گن‌لر.
عاموی اخبارات واسطه‌لری‌نینگ بازار ناملی اداره‌سی باشلیغی حامد پویانینگ اوتگن کون حمل آیی نینگ 6-سیده افغانستان‌ده فرانسه خبر آژانس‌لیگی‌نینگ خبرچی‌سی سردار احمد وفاتی‌نینگ بیر ییل‌لیگی‌نی نشانلش مراسمی‌ده قیلگن چیقیشی‌ده، ملی بیرلیک حکومتی‌دن سوز ایرکین‌لیگی سقله‌نیب قالیشی و جانله‌نیشی اوچون کوپراق سعی و حرکت قیلیشنی سوره‌گن.
فرانسه خبر آژانس‌لیگی‌نینگ خبرچی‌سی سردار احمد قویاش 1392-ییل نینگ سونگی آقشامی‌ده تورموش اورتاغی قوشیمچه بلاغت‌گه ییتمه‌گن ایکّی گودکی بیلن سرینا هوتلی‌ده قورال‌لنگن تورت هجومی آرقه‌لی قتل ایتیلدی.
جناب پویا، ملی بیرلیک حکومتی سوز ایرکین‌لیگی اوچون نظرده توتیلگن چهارچوبه، طالب‌لر بیلن اوتکزیله‌جک مذاکره‌ده هم انابت‌گه آلینشی توغری‌سیده تاکیدله‌گن.
(نی) یا افغانستان آزاد عاموی اخبارات واسطه‌لری‌نینگ رییسی صدیق‌الله توحیدی‌نینگ سلام وطندارگه معلوم قیلیشیچه، تینچ‌لیک مذاکره‌لرده حکومت سوز ایرکین‌لیگی اوچون جدی بولیشی کیره‌ک. شونینگ‌دیک جناب توحیدی حکومت سوز ایرکین‌لیگی اوچون بیرگن وعدهسی‌گه بناَ تینچ‌لیک مذاکره‌گه عمل قیلیشی شرط دیگن.
سه‌شنبه کونی حمل آیی‌نینگ 4-سی جمهور رییس غنی امریکه کانگرسی‌ده ایتیشیچه، طالب‌لر بیلن قدرت موضوعی آرقه‌لی مذاکره قیله‌دی، غنی‌گه کوره، مذاکره‌ده تعلیم و تربیه، ساغلیق، یخشی حکومتچی‌لیک، سوز ایرکین‌لیگی و عیاللر حقوقی ساحه‌سیده قول‌گه کیرتیلگن یوتوق‌لر فتور کورسم‌لیگی لازم.
طالب‌لر بیلن افغانستان حکومتی مذاکره قیلیش موضوعی باشلنگن‌دن بیری ایریم فعال‌لر و مدیانی حمایت قیلووچی‌لر تینچ‌لیک مذاکره‌لرده قول‌گه کیریتیلگن یوتوق‌لر معالمه ایتیلیشی‌دن خواطرده‌لر.
بوندن آلدین هم عاموی اخبارات واسطه‌لر فعال‌لری حکومت‌دن تینچ‌لیک مذاکره‌لر جریانی‌ده سوز ایرکین‌لیگی قربان ایتیلمس لیگی حقی‌ده ایشانچ بیریشی‌نی طلب قیلگن ایدی‌لر.
