دنیابویلب انسان حق حقوقلری‌نی کوزه تووچی تشکیلات نینگ ایتیشیچه، افغانستان ینگی حکومتی کیله‌جک‌ده‌گی هر قنده‌ی تینچ‌لیک مذاکره اوچون عیاللرنی شریک قیلیشی کیره‌ک.
مذکور تشکیلات‌ده عیاللر حقوقی‌نی تیکشیرووچی هیدروبار نینگ بوگون نیویارک‌ده معلوم قیلیشیچه، تینچ‌لیک مذاکره‌لر اوچون افغانستان برچه حزب‌لری ایشانچی آلینیشی لازم.
هیدروبار، افغانستان ملی حکومتی تینچ‌لیک مذاکره‌لر جریانی‌ده، انسان حق حقوقلری اینیقسه عیاللر حقی‌نی محافظه قیلیش‌ده اساس بولیشی باره‌سی‌ده تاکیدله‌گن.
هیدروبارنینگ سوزلری‌گه کوره، افغانستان دولتی نینگ سونگی اظهاراتلریگه قره‌گن‌ده تینچ‌لیک مذاکره‌لر قیته دن باشلنه‌دی. اما، بو جریان‌گه خاتین‌لرنی قنده‌ی قوشیلیش مساله‌سی انیق ایمس.
انسان حق حقوقلری‌نی کوزه‌تووچی اداره نینگ آکسفام موسسه‌سی نینگ میلادی 2014- ییل‌ده اساسلب تیارله‌گن گزارشی‌گه تَیه‌نیب یازیشیچه، افغانستان دولتی بیلن طالب‌لر اورته‌سی‌ده 23 مرته اوتکزیلگن تینچ‌لیک مذاکره‌ده فقط بیر عیال اشتراک قیلگن. انسان حق حقلرینی کوزه‌تووچی اوشبو شخص‌گه کوره،بو مساله بیرلشگن ملتلر تشکیلاتی خوفسیزلیک کینگشی نینگ 1325- ییل‌ده‌گی قطعنامه‌سی ضد دیر.
میلادی 2000- ییل‌ده بیرلشگن ملتلر تشکیلاتی خوفسیزلیک کینگشی نینگ 1325- قطعنامه‌سی‌ده تورلی ساحه‌لرنی اوز ایچی‌گه آلووچی بولیم‌لرگه عیاللرنی نقشی اساسی بولیشی باره‌سی‌ده تاکیدلنگن.
هیدروبار، بو توغریده جمهور رییس غنی افغانستان نینگ بوتون خلقی‌گه تینچ‌لیک مذاکره شفاف اوتکزیلیشی حقی‌ده ایشانچ بیریشی باره‌سی‌ده تاکیدله‌گن.
بوندن نیچه وقت آلدین عفو خلق ارا تشکیلاتی طالب‌لر بیلن اوتکزیله‌جک تینچ‌لیک مذاکره‌لرده عیاللر حضوری کم‌لیگی حقی‌ده تشویش بیلدیرگن ایدی.
مذکور تشکیلات تینچ‌لیک مذاکره‌لرگه عیاللرگه اساسی نقش بیریلمه‌گن حالده، انسان حق حقولری سوال آستی‌ده قالیشی باره‌سی‌ده تشویش بیلدیرگن ایدی.
حکومت نینگ اجراییه باشلیغی داکتر عبدالله عبدالله طالبان حرکتی بیلن تینچ‌لیک مذاکره باشله‌نیشی‌نی ایتگن. اوشبو تینچ‌لیک مذاکره‌لر پاکستان حمایتی و چین دولتی واسطه چیلیگی بیلن یول‌گه قوییلشی کوتیله‌دی.
