طالبلر، پاکستان، ایران، چین و اورته آسیا مملکتلریگه آلدینگی قتیق موقفلرینی اوزگرتیرگنلیکلریدن ایشانچ بیرگنلر. شونینگدیک طالبلر حرکتی تینچلیک مذاکرهلر نتیجه بیریشی اوچون اوز استراتژیلریگه ییریک اوزگریش کیریتگنلیکلریدن خبر بیرگنلر.
عین حالده، طالبلرنینگ ایتیشیچه، عیاللر و تعلیم و تربیه اوچون هم اوز سیاستلریگه اوزگریش کیرتگن. پاکستانلیک منبعلرنینگ افغانستان حکومتی همده قوراللی طالبلر اورتهسیدهگی تینچلیک مذاکرهلر بارهسیده اکسپرس تریبونیگه ایتیشلریچه، اوشبو گروهنینگ موقفی اوتگن وقتلرگه قرهگنده اساسی اوزگرگن.
اوز نامی فاش ایتیلیشینی ایستمهگن مذکور منبع، قوراللی طالبلر اوز سیاستلریگه اوزگریش کیریتیشدن نیت، دنیا جماعهچیلیگینی آلدیده ایشان آلیش بولگنلیگینی ایتگن.
شونینگدیک منبعگه کوره، تینچلیک مذاکره اوچون طالبلر یومشهگنلیگی، یخشی بیر نتیجهگه ایریشیش اوچون ییریک بیر آدیم دیر.
بوندن آلدین هر مرته افغانستان حکومتی طالبلرگه تینچلیک مذاکرهگه اولتیریش موضوعینی تکلیف قیلگنده، اوشبو گروهنینگ اساسی شرطلریدن بیری امریکا رهبرلیگیدهگی خلق ارا کوچلرینی افغانستاندن چیقاریلیشی بولگن.
اما، هلی ایسه بوندهی بیر سیاست طالبلر ایچیده اوزگرگن. طالبلرنی تینچلیک مذاکرهلر اوچون موقفی اوزگریشی، ایریم مدنی تشکیلاتلر و سیاستچیلرنینگ بو توغریده بولگن خواطریگه نسبتن جواب بیریشدی.
عین حالده، سابق جهاد رهبرلریدن عبدالرب رسولسیاف، اوتگن هفته مارشال فهیمنینگ وفاتی بیلن اوتکزیلگن ییغینده قیلگن چیقیشیده تینچلیک مذاکرهدن حمایت اعلان قیلیب؛ اما، اوشبو لایحه ایلگری آلیب باریلیشی اوچون افغانستان خلقینینگ نظری اورگهنیلیشیگه تاکیدلهگن ایدی.
ایریم افغانستانلیک قطار سیاستچیلرنینگ ایتیشیچه، اوشبو تینچلیک مذاکرهلرده 13ییل جریاینده قولگه کیریتیلگن یوتوقلرگه زیان ییتمسلیگی لازم.
اما، حکومت نینگ اجراییه باشلیغی داکتر عبدالله عبدالله و جمهور رییس تینچلیک مذاکرهلرده اوتگن اون اوچ ییل جریانیده قولگه کیریتیلگن یوتوقلر سقلهنیب قالیشی حقیده اهالیگه ایشانچ بیرگنلر.
طالبان حرکتی اوز حاکمیت دوریده قیز مکتبلر ایشیگینی یاپیب بو قتلمنیتعلیم و تربیه آلیشدن منع ایتگن ایدی. تینچلیک مذاکرهلر موضوعی دالضرب بولگن بیر چاغده، طالبلر حرکتیگه اوزگریش کیلگنلیگی ایتیلهدی. بو اوزگریش ایسه تینچلیک مذاکرهلر اوچون خلققه ینگی امیدلر بخش ایتهدی.
