طالبان گروهی نینگ قطرده‌گی دفتری سوزلاوچیسی سهیل شاهین نینگ ایتیشیچه، طالبان گروهی ینگی اسلامی نظام‌ده حضور تاپه‌دی.
جناب شاهین نینگ ایتیشیچه، آمریکا و طالبان آره‌سیده‌گی سوزلشوولر نتیجه بیرگن صورتده، افغانستانلیکلر ارا سوزلشوولرنینگ زمان و مکانی بیللی بوله‌دی.
اونینگ کوپه‌یتیریشیچه، تینچلیک کیلیشوویدن سونگ، ینگی اسلامی نظام ایجاد اتیله‌دی و حاضرگی دولت اداره‌لریده اصلاحات کیریتیلهدی.
عین‌حالده، سیاسی ایش بیلرمانلردن بیری محب‌الله شریف نینگ ایتیشیچه، ینگی اسلامی نظام، جمهورلیک ریاستی بولمه‌گن صورتده نتیجه بیرمه‌یدی.
سیاسی ایش بیلرمانلردن باشقه بیری انتظام خادم نینگ ایتیشیچه، افغانستان اساسی قانونیگه کوره، افغانستان نظامی جمهورلیک ریاستی نظامی دیر.
جناب خادم کوپه‌یتیریشیچه، طالبان گروهی‌نی ینگی نظام‌دن مقصدی اسلامی امارت بولگن صورتده، بونده‌ی بیرنظام عملگه آشیریلمه‌یدی و بو نظام نینگ افغانستان اهالیسی و دنیا مملکت‌لری تامانیدن قبول بولمه‌یشینی طالبان گروهی هم بیله‌دی.
طالبان سیاسی دفتری نینگ سوزلاوچیسی‌گه کوره، بوگون "پنجشنبه" آمریکا و طالبان نماینده‌لری آره‌سیده بولگن سوزلشوولر باشلنمه‌گن و بو سوزلشولرنی قیته‌دن باشله‌نیشی بوگون بیللی ایتیله‌دی.
