یوناما «فسادگه قرشی افغانستان کوره‌شی» نامی‌ده بولگن ینگی گزارشی‌ده افغانستان دولتی‌نینگ 3 قوه‌سی بیلن ایرکین اداره‌لر و دنیا جماعه‌چیلیگی همکارلیگی‌نی تیکشیرگن.
اوشبو گزارش‌گه کیریتیلگن معلومات اساسیده، افغانستانده قتیق آتیشمه‌لردن سونگ، اداری فساد اینگ کته قیین‌چیلیک سنله‌دی.
افغانستان بوییچه بیرلشگن ملت‌لر تشکیلاتی باش کاتبی‌نی خاص نماینده‌سی تدامیچی یاماموتونینگ ایتیشیچه، اوشبو گزارش رقمی و نظرلریگه حکومت رسمی‌لری فعال قتنشگن و حقوقی اصلاحات و پالیسی عمل‌گه آشیریلگن؛ بیراق افغانستانده تینچلیک و برقرارلیک تأمین‌لنیشی برابریده فساد جدی توسیق سنله‌دی.
یاماموتونینگ ایتیشیچه، افغانستان یشاوچیلریدن بیری سوداگرلیک جواز آلیش اوچون اداره‌لرگه مراجعت قیلگن صورتده، حقوقی ایش بیلرماندن کوره یخشی فساد دن خبر بوله‌دی.
عین حالده، اداری فسادگه قرشی کوره‌ش اوچون حکومت‌نینگ ایریم حرکت‌لرینی خوش قرشی‌لیدی.
افغانستان بوییچه بیرلشگن ملت‌لر تشکیلاتی باش کاتبی‌نی خاص نماینده‌سی‌نینگ ایتیشیچه، میلادی 2017- ییل، دسمبر آیی‌ده افغانستان حکومتی اداری فسادگه قرشی کوره‌ش خصوصیده، ینگی بیر استراتیژی ریجه‌لب و تصدیق‌له‌دی و بو توغری و حقیقی شکلده ریجه‌لنگن.
یاماموتوگه کوره، اوتگن ییل‌ده افغانستان حکومتی ینگی «جزایی کد» قانونی‌نی اجرایی قیلگن و اداری فسادگه قرشی خلق ارا ملی کنوانسیونی اساسیده، اداری فسادنینگ برچه جرمی اونده جایلشتیریلگن.
یاماموتونینگ کوپه‌یتیریشیچه، حکومت‌نینگ ینگی لایحه‌سی فراخوان‌لیک‌که تارتیلگنیدن سونگ، اونی ینگی بیر همکارلیک دیب بوله‌دی. اوشبو لایحه فسادگه قرشی کوره‌ش و اجتماع ده قانون حاکم بولیشی‌گه زمینه یره‌تگن.
یونامانینگ اوشبو گزارشی اساسیده، اداری فسادگه قرشی کوره‌ش خصوصیده، افغانستان یوتوقلر قولگه کیریتگن و ینگی استراتیژی تیارله‌نیشی قانونلرگه اصلاحات کیریتیلیشی و فسادگه قرشی کوره‌ش لایحه اصلاح ایتیلیشی توغریسیده، افغانستان گه یاردم بیره‌دی.
