تینچلیک عالی کینگشی نینگ مسؤوللری و ایش بیلرمانلردن بیرقطاری، پاکستان باش وزیری آمریکاگه سفر قیلگن بیرچاغده ایتیشیچه، پاکستان باش وزیری عمران‌خان افغانستان تینچلیک جریانی خصوصیده صداقت بیلن سعی و حرکت قیلیشی اوچون آمریکا اون گه باسیم کیریتیشی کیره‌ک.
پاکستان باش وزیری عمران‌خان، شنبه کون اوچ کونلیک بیر اوچره‌شوو اوچون آمریکا کیتگن. او، بو سفرده رسمی شکلده کوتیب آلینمه‌دی و هیچ آمریکالیک رسمی اونینگ کوتیب آلیش اوچون کیلمه‌گن.
عین حالده، بوگون عمران‌خان جمهور رئیس ترامپ بیلن اوچره‌شیشی ایتیلگن و باشقه مسئله‌لرنی یانیده، افغانستان تینچلیک جریانی توغریسیده هم صحبت قیلینه‌دی.
سلام‌وطندارگه صحبت بیرگن تینچلیک عالی کینگشی سوزلاوچیسی اسدالله زایری نینگ ایتیشیچه، بو سفرده آمریکا جمهور رئیسی پاکستان باش وزیری عمران‌خان افغانستان تینچلیک جریانی خصوصیده صداقت بیلن سعی و حرکت قیلیشی اوچون اونینگ برابریده باسقین‌لرینی کوپه‌یتیریشی خصوصیده امید بیلدیره‌دیلر.
اونگه کوره، آمریکا، پاکستان نی بو مملکت نینگ ایکی تامانلمه حرکتی افغانستان و منطقه مملکت لری اوچون خطرلی بولیشی توغریسیده قانیقتیریشی کیره‌ک.
خلق ارا ایش بیلرمانی انتظار خادم نینگ ایتیشیچه، آمریکا، افغانستانده اوروش یکونلنیشی‌نی ایسته‌یدی و شونینگدیک، جمهور رئیس ترامپ، پاکستان باش وزیری دن ترورچیلرنینگ نابود قیلیشی‌نی طلب قیله‌دی.
اونینگ ایتیشیچه، آمریکانینگ بو ایسته‌گی برابریده پاکستان اقتصادی یاردم طلب قیله‌دی. آمریکادن پاکستان نینگ باشقه بیر ایسته‌گی قوشمه ایالت‌لر پاکستان نینگ سیاسی ثباتیده رول اوینه‌شینی طلب قیله‌دی و کشمیر مسئله‌سیده هند دن طرفدارلیک قیلمه‌ی و افغانستان نینگ کیله‌جک حکومتی پاکستان گه قرشی بولمه‌سینی سوره‌یدی.
عین حالده، سیاسی ایش بیلرمان محب‌الله شریف نینگ ایتیشیچه، آمریکاگه عمران‌خان نینگ سفری افغانستان تینچلیک جریانی اوستیگه ایجابی تأثیر قویه‌دی.
اونگه کوره، عمران‌خان آمریکاگه سفر قیلمه‌سیدن آلدین پاکستان، مذکور مملکت گه افغانستان تینچلیک جریانی خصوصیده، جدی شکلده سعی و حرکت قیلیشی خصوصیده ایشانچ بیرگن.
اوشبو موضوعلر بیان ایتیلگن بیرچاغده، آتی سِر قالیشی‌نی ایسته‌گن آمریکالیک بیر منبع نینگ رویترز خبری آژانسی گه ایتیشیچه، عمران‌خان نینگ آمریکاگه قیلگن سفریدن مقصد، پاکستان، افغانستان تینچلیک جریانیده همکارلیک قیلیب و ترورچیلرنی اوز توپراغیده نابود قیلیشی اوچون آمریکا مسؤوللری، پاکستان نینگ اوستیگه باسقین کیریتیش بولگن.
