عیال‌لر منطقه‌یی ترماغی و عیال‌لر عدالت ایسته‌ش کمیته‌سی نینگ تینچلیک سوزلشوولرده بولگن چیگل‌لیکلردن خواطر بیلدیریب ایتیشیچه، بیر تاماندن جمهورلیک ریاستی سیلاوی و باشقه تاماندن تینچلیک سوزلشوولری وضعیت‌نی پیچیده قیلگن.
اوشبو نهادلر اعضالریگه کوره، وضعیت نینگ چیگل بولگنی مملکت‌ده ناتینچلیک‌لر کوپه‌یشی‌گه سبب بولگن.
بوگون "پنجشنبه" عیال‌لر منطقه‌یی ترماغی اعضاسی حمیرا ثاقب نینگ کابلده بیر خبری ییغین آرقه‌لی ایتیشیچه، آمریکا و طالبان نماینده‌لری آره‌سیده بولگن تینچلیک سوزلشوولر قطاریوتوقلرگه قول تاپگن، بیراق بوتوغریده بولگن معلومات‌لرنی اهالی بیلن شریک قیلینمه‌گنی کوپینچه خواطرلرنی اورته‌گه چیقارگن.
اوشبو نهاد اعضالریدن باشقه بیری زرقا یفتلی نینگ ایتیشیچه، آمریکا و طالبان گروهی آره‌سیده بولگن تینچلیک سوزلشوولر جزیاتی‌نی اهالی بیلن شریک ایتیلیشی کیرهک.
ایتیلیشیچه، تینچلیک سوزلشوولر و جمهورلیک ریاستی نینگ سیلاوی بیر زمانده ایلگری کیتیشی افغانستان یشاوچی‌لرینی خواطرلنتیرگن موضوع‌لردن دیر.
