امریکا جمهور رییسی دونالد ترامپ افغانستانده تینچلیک سوزلشوولری‌نینگ یوتوق‌لیگی توغریسیده شبه بیلدیرگن.
بوگون "چهارشنبه" اونینگ تویتر صحیفه‌سیده یازیشیچه، 18 ییل اوروشدن سونگ تینچلیک سوزلشوولری یخشی صورتده، آلغه بارماقده.
ترامپ‌گه کوره، اوروش دوام ایتماقده؛ بیراق افغانستان یشاوچیلری اوشبو اوروش‌نی یکونله‌نیشی‌نی ایسته‌یدی و تیزلیک‌که بو سوزلشوولرنی یوتوق‌لیک‌که ییتیشیب یا-ده ییتیشمه‌یشی‌گه شاهد بوله‌میز.
عین‌حالده، امریکانینگ افغانستانده‌گی سابق ایلچیسی رایان کراکر، امریکا و طالبلر آره‌سیده بولگن تینچلیک سوزلشوولردن تنقید قیلگن.
اونینگ واشنگتن پست کونده‌لیگی‌ده ایتیشیچه، افغانستان حکومتی‌نینگ امریکا تامانیدن حمایت ایتیلیشی باعث، طالبلر مستقیم سوزلشوونی قبول قیلمه‌یدی و امریکا دولتی طالبلرنینگ بو ایسته‌گینی قبول قیلیش بیلن حمایتی قیله‌دیگن حکومت مشروعیتی‌نی سوراق آستیگه قرار بیره‌دی.
اونینگ کوپه‌یتیریشیچه، جمهور رئیس ترامپ، عراق ده اوباما آرقه‌لی عملی بولگن ایش‌دن اورنک آلیب و افغانستان‌نی طالب‌لرگه تاپشیره‌آله‌دی، یا-ده آمریکا منفعت‌لری، ارزش‌لری و هم‌پیمانلرینی مشخص قیله‌دی.
