.jpg)
آمریکا جمهور باشلیغی دونالد ترامپ، آمریکا و طالبان نماینده‌لری آره‌سیده بولگن تینچلیک سوزلشوولرنی توخته‌تیب، جمهور رییس غنی و طالبان نماینده‌لری بیلن بولگن اوچره‌شووینی لغو قیلگن.
جناب ترامپ نینگ توییتر صحیفه‌سیده یازیشیچه، آمریکا حربی‌لریدن بیرینی افغانستانده هلاک ایتیلگنی و طالبان گروهی نینگ گرین‌ولیج کمپی اوستیگه هجوم قیلگنی سبب، بو قرار آلینگن.
آمریکا جمهور رییسی نینگ توییتر صحیفه‌سی آرقه‌لی کوپه‌یتیریشیچه، طالبان گروهی تینچلیک سوزلشوولرده موقف‌لرینی کوچلی قیلیش اوچون بو هجوم‌نی انجام بیرگن، بیراق بو حرکت‌لری اولر موقف‌لریگه زیان ییتیشتیرگن.
.jpg)
ایتیلیشیچه، آمریکا و طالبان نماینده‌لری آره‌سیده بولگن تینچلیک سوزلشوولر خصوصیده بولگن کیلیشوونامه نهایی ایتیلگن ایدی و دونالد ترامپ تامانیدن تصدیق‌لنیش‌گه کوتیب تورگن ایدی.
افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد بو کیلیشوونامه ملی بیرلیک حکومتی رهبرلریگه کورستگن و افغانستان حکومتی مذکور کیلیشوونامه کیله‌جگی خصوصیده خواطر بیلدیریب و جناب خلیلزاد دن بو توغریده معلومات بیریشینی سوره‌گن.
