افغانستان بوییچه پاکستان باش وزیری نینگ خاص نماینده‌سی محمد صادق نینگ توییتر صحیفه‌سیده یازیشیچه، طالبان 400 اسیری آزاد قیلینیشی بیلن افغانستانلیکلر ارا سوزلشوولر باشله‌نیشی برابریده هیچ‌قنده‌ی موانع قالمه‌یدی.
تینچلیک بوییچه مصلحتی لویه‌جرگه 25 ماده‌لیک بیر شرطنامه ترقه‌تیش بیلن طالبان 400 اسیری نینگ قوییب یوباریلیشی‌نی ایسته‌گن.
مملکت جمهور رئیسی محمد اشرف غنی نینگ تینچلیک بوییچه مصلحتی لویه‌جرگه اداغیده ایتیشیچه، طالبان اسیرلری نینگ قوییب یوباریلیش فرمانی‌نی امضا قیله‌دی.
مملکت سابق جمهور رئیس حامد کرزی ، تینچلیک بوییچه مصلحتی لویه‌جرگه یکونلنیشیده طالبان گروهی‌دن اوروش‌نی یکونلنتیریش بیلن افغانستانلیکلر ارا سوزلشوولرگه تیار بولیشی‌نی ایسته‌گن.
تینچلیک بوییچه مصلحتی لویه‌جرگه طالبان 400 اسیرینی قوییب یوباریلیشی خصوصیده قرار قیلیش اوچون "جمعه" کونی باشلنگن ایدی و بوگون یکشنبه یکونلندی.
