افغانستان تینچلیک لایحه‌سی بوییچه آمریکانینگ خاص نماینده‌سی زلمی خلیلزاد و افغانستان بوییچه روسیه جمهور رئیسی‌نینگ خاص نماینده‌سی ضمیر کابلوف، اوتگن کون ترکیه باشکینتی انقره ده اوچره‌شیب و بحث اوتکزگن‌لر.
جناب خلیلزادنینگ اوز توییتر صحیفه‌سیده یازیشیچه، بو اوچره‌شووده بیرلشگن ملت‌لر تشکیلاتی تامانیدن طالبان گروهی‌نینگ مذاکره‌چی‌لریگه سفر حجتی صادر قیلینیشی خصوصیده ایریم موضوعلرنی اوستیگه بحث اوتکزیلگن.
افغانستان تینچلیک لایحه‌سی بوییچه آمریکا قویمه ایالت‌لرینی خاص نماینده‌سی‌نینگ ایتیشیچه، بو اوچره‌شووده طالبان گروهی بیلن تینچلیک مذاکره‌لری آلغه آلیب باریلیشی خصوصیده، همه شامل بیر هیأت تشکیل ایتیلیشی توغریسیده اورغولنگن و بو هیأت گه دولت و افغانستان‌نینگ باشقه یشاوچیلری شامل بوله‌دی.
طالبان گروهی‌نینگ سابق رسمی‌لریدن بیرقطاری و سیاسی ایش بیلرمانلرنینگ ایشانچی گه کوره، آمریکا تینچلیک سوزلشوولر جریانی چقانلنیشی و افغانستانده تینچلیک تأمین‌لنیشی خصوصیده، طالبان گروهی‌نینگ رهبرلرینی آت‌لری بیرلشگن ملت‌لر تشکیلاتینینگ قاره رویخطی‌دن چیقاریلیشی توغریسیده سعی و حرکت قیله‌دی.
طالبان گروهی‌نینگ سابق رسمی‌سی و سیاسی ایش بیلرمان وحید مژده نینگ سلام‌وطندارگه ایتیشیچه، آمریکا قوشمه ایالت‌لری، تینچلیک سوزلشوولری اوزون سورمه‌سی اوچون طالبان گروهی‌نینگ رهبرلرینی آت‌لری بیرلشگن ملت‌لر تشکیلاتینینگ قاره رویخطی‌دن چیقاریلیشی و افغانستان تینچلیگی خصوصیده، منطقه‌یی بیر کیلیشووگه قول تاپیش اوچون سعی و حرکت قیله‌دی.
اونینگ کوپه‌یتیریشیچه، آمریکا طالبان گروهی‌نینگ صلاحیت‌لی کیشی‌لری تینچلیک سوزلشوولریده حاضر بولمه‌سی توغریسیده خواطرلنه‌دی؛ چونکه ایلگری اوتکزیلگن تینچلیک سوزلشوولریده، ایریم موضوعلر خصوصیده طالبان گروهی‌نینگ نماینده‌لرینی صلاحیتی یوق ایکن و بو موضوع تینچلیک سوزلشوولر جریانی آرتده قالیشی گه سبب بوله‌دی.
شو توغریده…
خلیلزاد: تینچلیک سوزلشوولریده بوتون ارزش‌لر سقله‌نیشی کیره‌ک
خلیلزاد: تینچلیک کیلیشوو اولویت‌گه قرار تاپگن
خلیلزاد: تینچلیک اولویتی افغانستانلیک‌لر ارا سوزلشوولر باشله‌نیشی دیر
شونینگدیک، سیاسی ایش بیلرمانلردن باشقه بیری اسحاق اتمرنینگ ایشانچی گه کوره، آمریکا قوشمه ایالت‌لری طالبان گروهی‌نینگ رهبرلرینی آت‌لری بیرلشگن ملت‌لر تشکیلاتینینگ قاره رویخطی‌دن چیقاریلیش ریجه‌سی بیلن تینچلیک سوزلشوولریده اولرنینگ حضوری قانونی بولیشی‌نی ایسته‌یدی و شو یوزه‌دن بیرلشگن ملت‌لر تشکیلاتینینگ خوفسیزلیک کینگشی گه اعضا مملکت‌لر بیلن سوزلشووگه باشله‌گن.
اونینگ کوپه‌یتیریشیچه، هیچ بیر مملکت یالغیزلیک‌که آت‌لری بیرلشگن ملت‌لر تشکیلاتینینگ قاره رویخطی‌ده بولگن کیشیلر اوچون ویزه صادر قیلیش قرارینی آله آلمه‌یدی.
اوشبو سیاسی ایش بیلرمان گه کوره، افغانستان تینچلیک لایحه‌سی بوییچه آمریکا قوشمه ایالت‌لری‌نینگ خاص نماینده‌سی زلمی خلیلزادنینگ منطقه مملکت‌لرینی رسمی‌لری بیلن اوچره‌شیش‌لری، افغانستان تینچلیگی توغیسیده بولگن منطقه‌یی کیلیشوونی کوچلنتیره‌دی.
افغانستانده آمریکا رولی توغریسیده روسیه‌نینگ سونگی تنقیدلریدن سونگ، بو افغانستان تینچلیک جریانی خصوصیده، آمریکا و روسیه نماینده‌لری‌نینگ بیرینچی اوچره‌شووی بولگن.
گزارشلر اساسیده، جاری 25- فبروری قطرده آمریکا و طالبان گروهی‌نینگ نماینده‌لری آره‌سیده تینچلیک سوزلشوولر ییغینی یولگه قوییلیشی خصوصیده قرار قیلینگن.
