افغانستان بوییچه سیلاو شفافیتی‌نی کوزه‌تووچی اداره یا-ده تیفا مسؤوللری نینگ ایتیشیچه، جمهورلیک ریاست سیلاوی نینگ نامزدلری، تعیین ایتیلگن زماندن آلدین کمپاین‌لرینی باشلش گه علاوه، بیر-بیراولریگه قرشی اهانت‌لی سوزلردن فایده‌لنه‌دی.
اولرنینگ ایتیشیچه، جمهورلیک ریاست سیلاوی نینگ نامزدلری، بیانات‌لریده بیر-بیراوی گه اهانت قیله‌دی.
بوگون «پنجشنبه» کابل‌ده خبری بیر ییغین اوتکزگن تیفا برنامه‌لری باشلیغی صغرا سعادت نینگ ایتیشیچه، سیلاو کمیسیونلری نینگ مسؤوللری، جمهورلیک ریاست نامزدلری نینگ ناقانونی حرکت‌لری برابریده جیم توریب و هیچ‌قنده‌ی عکس‌العمل بیلدیرمه‌یدیلر.
تیفا برنامه‌لرینی باشلیغی، سیلاو کمیسیونلریدن کمپاین‌لر جریانیده بیر-بیراویگه قرشی اهانت قیلگن نامزدلر بیلن سیلاو قانونی اساسیده یانده‌شیش‌لرینی سوره‌گن.
بیراق، سیلاو شکایت‌لرینی تینگلش کمیسیون سوزلاوچیسی قاسم الیاسی نینگ ایتیشیچه، جمهورلیک ریاست نامزدلری تعیین ایتیلگن زماندن آلدین کمپاین قیلیش‌لری توغریسیده ییترلیچه حجت قولگه کیریتیلگن صورتده، سیلاو قانونی گه قرشی حرکت قیلگن نامزدلر جریمه قیلینیب یا-ده آت‌لری سونگی رویخط‌دن چیقاریلیشی ممکن.
شونینگدیک، تیفا مسؤوللری نینگ ایتیشیچه، سیلاو ایرکین کمیسیونی آواز بیرووچی‌لرنینگ رویخط‌گه آلیش جریانیده تعیین ایتیلگن مقصدگه ایریشمه گن.
تیفا مسؤوللریگه کوره، سیلاو کمیسیونی مملکت نینگ 33 ولایتیده 22 جریانیده آواز بیریش شرایطی گه ماس یالغیز 800 مینگ کیشی نی رویخط‌گه آلگن و عین حالده، بو کمیسیون شونچه مدتده چمه‌سی 2 میلیون کیشی‌نی رویخط‌گه آلیش خصوصیده قرار قیلینگن ایدی.
