افغانستان تشقی ایشلر وزیرلیگی‌نینگ یوقاری مرتبه‌لی رسمیلری، مملکت‌ده تینچلیک اورنه‌تیش تورت تامانلمه ییغینی‌نینگ بیشینچی جلسه‌سی‌ده آلدینگی اولتیریشلر تیکشیریله دی دیگنلر.
تشقی ایشلر وزیرلیگی سوزلاوچی‌سی‌نینگ اورین باسری خیرالله آزاد، تورت تامانلمه ییغین‌نینگ آلدینگی جلسه لریده قوراللی طالبلر تینچ یول بیلن یره‌ش لایحه‌سیگه قوشیلمه‌گن تقدیرده، مذکور مملکت‌لر بیر بولیب بو گروه‌نی نابود قیلیش اوچون قرار آلگن ایدیلر دیگن.
ییغین‌ده افغانستان نینگ اسلام آباده‌گی ایلچیسی حضرت عمر زاخیلوال، پاکستان تشقی ایشلر وزیری عزیز چودری، افغانستان و پاکستان اوچون امریکه نینگ مخصوص نماینده‌سی رچارد اولسن و افغانستان پاکستان اوچون چین نینگ مخصوص وکیلی دینگ ژبونلر اشتراک قیلگنلر.
پاکستان تشقی ایشلر وزیرلیگی اوتگن هفته تینچلیک مراسه‌سی‌نینگ بیشینچی دوری اوتکزیلیشی باره‌سیده خبر بیرگن ایدی.
بو مملکت تشقی ایشل وزیرلیگی‌نینگ سوزلوچی‌سی نفیس زکریانینگ خبری ییغین‌ده ایتیشیچه، جلسه‌ده افغانستان تینچلیک مذاکره‌سی‌نینگ معمالری اوستی‌ده بحث ایتیله‌دی.
شونینگ‌دیک پاکستان تشقی ایشلر وزیرلیگی‌نینگ سوزلاوچی‌سی، قوراللی طالبلر بیلن مذاکره اوتکزیش آسان ایمس دیگن ایدی.
اونینگ سوزلریگه کوره، پاکستان بو قبیل ییغین‌لرنی اوتکزیش بیلن افغانستانده تینچلیک تامین ایتیلیش طرفداری ایکن لیگی‌نی بیلدیره دی دیگن.
افغانستان، پاکستان، امریکه قوشمه ایالت‌لری و چین نماینده‌سی اورته‌سیده اوتکزیلگن تورت تامانلمه ییغین‌نینگ آلدینگی جلسه‌لریده قوراللی طلبلرنی مذاکره میزگه حاضر قیلیش مساله اوستی‌ده کیلیشیلگن ایدی.
اما، نیچه وقت‌دن کیین قوراللی طالبلر افغانستان حکومتی بیلن تینچلیک مذاکره اوتکزیش‌نی کیسکین رد قیلدی.
