.jpg)
ترکیه‌ده دموکراتیک اساسی‌ده وجودگه کیلگن دولت‌نی تونتریش‌ده اشتراک قیلگن‌لیک‌ده عیبله‌نیب حبس‌گه آلینگن 758کیشی آزاد ایتیلدی. اوشبو کوچلر ترکیه‌ده موفقیت‌سیز عمل‌گه آشیریلگن تونتریش‌ده قتنشگن‌لیک‌لرینی اعتراف ایتگن‌لر.
ترکیه عالی محکمه‌سی اوتگن کون (9اسد) اوشبو عسکرلر آزادلیک‌که چیقاریلیشی‌نی صادر قیلگن.
عین‌حالده، 231حربی عسکر هنوز هم تورمه‌لرده قالماده. ترکیه‌ده موفقیت‌سیز کودتا اوتکزیلگن‌دن کیین، بو مملکت جمهور رییسی تامانیدن صادر ایتیلگن فرمان‌ده مملکت ملی امنیتی کوچلری حادثه‌ده قولی بولگن کیشی‌لر قیسی لوازم‌ده ایشله‌شیی‌گه قره‌می، قولگه آلینیشی‌نی بیلدیرگن ایدی.
.jpg)
ترکیه کودتادن کیین نیچه وقت شاشیلینچ حالت گواهی بولدی. اما، واقعه دن بیر آی اوتیب باریشی بیلن وضعیت استه – سیکین ایجابی تامان اوزگرماقده.
اوتگن آی سرطان نینگ 26- سیده حربی کوچلر انقره و استانبول عمومی ترانسپورت یولی‌نی باغله‌گن ایدیلر. نتیجه‌ده حربی طیاره‌لر شهر فضاسی‌ده اوچیب شهر ایچکریسی‌دن آغیر و یینگل قورال اسلحه‌لر ایشیتیلگن ایدی.
نهایت‌ده بو حربی‌لر تونتریش موفقیت بیلن اوز یکونیگه ییتدیب دییه دموکراتیک اساس‌ده وجودگه کیلگن تیزیم‌نی شکست بیردیک دییه بقیریشگن ایدیلر. بیراق، نیچه ساعت اوتمس‌دن کودتاچی‌لرنینگ برنامه‌سی بیکار ایتیلیب، تونتریش شکست‌گه دوچار بولگن ایدی.
تونتریش‌ده 246 کیشی اولدیریلدی. واقعه‌دن کیین ترکیه دولتی اونلب حربی بلند مرتبه‌لی رسمی‌نی ایش‌دن آلیب، ممکت‌دن چیقیش‌لرینی منع ایتدی.
