.jpg)
اوتگن کون کیچ قورون ترکیه‌نینگ باشکینتی انقره ده یوزبیرگن پارتلش‌ده 34 کیشی هلاک بولیب و باشقه 125 کیشی یره‌لنگن.
مذکور مملکت‌نینگ عامه ساغلیک وزیری مهمیت میازنگلو میدیا بیلن اوتکزگن صحبتیده، اوشبو واقعه یره‌دارلریدن 19 کیشی‌نینگ احوالی آغیر دیگن.
ترکیه‌نینگ ملی تلویزیونی (TRT) نینگ خبرنامه‌سی اساسیده، اوشبو پارتلش ایچکی ایشلر بیلن عدلیه وزیرلیک‌لری، باش محکمه و پولیس قرارگاه‌لریدن بیری‌نینگ یقینیده یوزبیرگن.
مذکور خبرنامه‌ده کیلیشیچه، بو پارتلش‌ده اطرافیده‌گی بنالر و باریب کیله‌دیگن موترلرگه کوپلب زیان ییتیشگن و اوشبو واقعه‌ده یره‌لنگن‌لرنینگ کوپینچه‌سی پارتلش محلی‌گه یقین بنالرنینگ یشاوچی‌لری بولگن.
.jpg)
حاضرگچه اوشبو واقعه مسؤولیتی‌نی هیچ بیر گروه بوینیگه آلمه‌گن، بیراق ترکیه حکومتی، داعش‌گه قرشی اوروش‌ده قوشمه ایالت‌لر تامانیدن حمایت بوله‌دیگن کُردلر (پ،ک،ک) نی واقعه عاملی دیب بیله‌دی.
ترکیه‌نینگ جمهور رییسی رجب طیب اردوغان‌نینگ واقعه توغری‌سیده ایتیشیچه، «مملکت میز و ترکیه‌نینگ بیرلیگی و بیردم‌لیگی‌نی تهدید قیله‌دیگن بونده‌ی هجوم‌لر، تروریست‌لرگه قرشی کوره‌شیش خصوصیده بولگن اراده میزنی کوچسیزلنتیره‌آلمه‌یدی».
اوشبو پارتلش هجوم باعث، مذکور مملکت‌ده فیسبوک و تویتر اجتماعی ترماغلری یاپیلیشی اعلان قیلیندی.
ترکیه اوتگن میلادی آی هم پارتلش هجومی‌گه گواه بولگن. مذکور پارتلش هجوم نتیجه‌سیده، 29 کیشی هلاک بولیب و باشقه کمیده 60 کیشی یره‌لنگن. بو واقعه مسؤولیتی‌نی ترکیه‌ده‌گی کُردلر گروهی بوینیگه آلیب و بونده‌ی هجوم‌لر دوام ایتیشی خصوصیده آگاه‌لنتیرگن ایدی.
