تروروچی‌لرنی حمایت قیله‌دیگن مملکت‌لرقولی‌دن، افغانستان حکومتی بیرلشگن ملت تشکیلاتی‌گه شکایت قیلیشی مملکت‌ده یره‌ش تامین له‌نیشی اوچون کومک قیله‌دی.
بیرلشگن ملت لر تشکیلاتی‌ده‌گی افغانستان نینگ نماینده‌سی محمود صیقل نینگ یقینده ایتیشیچه، ترورچی‌لرنی حمایت قیله دیگن مملکت‌لر برابریده جدی یانده شیلیشی اوچون بی می تی گه ینگی لایحه تقیدیم ایتیله دی.
جناب صیقل، مذکور لایحه ده ترورچی لرنی حمایت قیله دیگن و اولرگه مالی همکارلیک ایته دیگن دولت‌لر برابریده بیرلشگن ملت‌لر تشکیلاتی عمل‌ده چاره تدبیر کوریشی تکلیف ایلته‌دی دیگن.
عین حالده، حکومت‌نینگ اوشبو تدبیری سیاسی تحلیل‌چی‌لر تامانیدن خوش قرشیلنگن. سیاسی تحلیل‌چی داکتر فاروق سلام نینگ سلاوم وطندار رادیوسی گه ایتیشیچه، افغانستان دولتی سابق‌دن ترورچی‌لرنی حمایت قیله دیگن حکومت‌لر توغریسیده ایریم حجت‌لر قولیده بولگن، ایندی ایسه بی می تی گه مراجعه قیله‌دی.
حقوقچی‌لر بیرلشمه‌سی‌نینگ باشلیغی پرویز علی‌شینگی افغانستان نینگ شکایتی بیرلشگن ملت‌لر تشکیلاتی تامانیدن عملی بولیشی اوچون خوش بین‌لیک کورستگن. او، بو باره ده بی می تی جدی آدیم کوتاریشی ممکن دیگن.
شونینگ‌دیک علی شینگی، افغاسنتان‌نینگ بو تدبیری ترورچی‌لرنی حمایت قیله دیگن دولت دنیا جماعه‌چی لیگی طرفیدن باسیمی آستیگه آلینه‌دی دیگن.
مذکور سیاسی تحلیل‌چی، اوتگن اون ییل جریانیده افغانستان حکومتی موجود قیین چیلیک حل ایتلیشی اوچون پاکستان دولتی بیلن مذاکره یولی‌دن بارگن، اما بو مذاکره‌لر ایجابی نتیجه بیرمه‌گن لیگینی بیلدیرگن‌لر.
بوندن آلدین هم نیچه مرته افغانستان‌لیک سیاسی تحلیل‌چی‌لر، ترورچی‌لر پاکستان آرقه‌لی حمایت ایتیلیشی اوچون بیر لشگن ملت‌لر تشکیلاتی‌گه شکایت قیلیش‌نی سوره‌ب کیلگن‌لر.
