نماینده‌لر مجلسی بوگون (شنبه) عمومی ییغینی‌گه سوو و برق وزیری، مالیه و فواید عامه وزیرلیگی معاونی ملی تدارکات کمیسیونی نینگ مسوولینی ترقیات لایحه‌لر قنده‌ی بجریلگنی ترقیات بودجه مصرف بولمه‌گنی اوچون جوابگرلیککه چقیرگن ایدی.
سوو برق وزیری علی احمد عثمانی، هماهنگلیک بولمه‌گنی، قانون عملی بولمسلیگی، ملی تدارکات کمیسیونی‌ده ترقیات لایحه‌لرنی تیکشیریش کوپ زمان آلیشی ترقیات لایحه‌لر تطبق ایتیلیشی اوچون مشکلاتلرنی یره‌تگن دیدی.
او، سوو و برق وزیرلیگی بیر قطار ترقیات لایحه‌لرینی تطبق قیلگن دیگن. اما بیر قنچه ترقیات لایحه‌لر ایسه ملی تدارکات کمیسیونی‌ده کیچیکتیریلگنی اوچون عملی بولمه‌گن دیدی.
ملی تدارکات کمیسیونی و شفافیت‌نی تامین لاوچی استراتیژیک علاقه‌لر باشلیغی سهیل کاکر، بوتون قیله‌جک ایشلر قانونگه موافق بجریلیشی‌نی تیلگه آلگن. ترقیات پروژه‌لر شفاف صورتده عملی بولیشی اوچون سعی وحرکت بوله‌دی دیگن کاکر. جناب کاکر بو اداره‌ده هر قنده‌ی فساد موجودلیگینی رد قیله‌دی.
اما، نماینده‌لر مجلسی نینگ قطار اعضالری ملی تدارکات کمیسیونی قیلگن ایشلرینی قانیقرلی ایمس دیب ایتیشلریچه، ترقیات لایحه‌لرنینگ عملی بوله‌دیگن ساحه‌سیده‌گی اساسی مشکل ملی تدارکات کمیسیونیده‌گی قیین‌چیلیک‌دن کیلیب چیقه‌دی.
مجلس نینگ باشلیغی عبدالرووف ابراهیمی، ترقیات لایحه‌لر عملگه آشیریلمس لیگی اوچون ملی بیرلیک حکومتی اینگ نا موفق حکومت حسابلنه‌دی دیگن.
مالیه وزیرلیگی نینگ اورین باسری هم ترقیات لایحه‌لر عمل بولمس‌لیگینی ملی تدارکات‌ده‌گی موجود قیین چیلیکلردن ایلدیز آله‌دی دیگن.
