هشت صبح کونده‌لیگی خورشید خصوصی بیلیم یورتی یاردمی‌ده اوتکزگن تدقیقاتده کیلیشیچه، یشاوچیلردن74.7 % امنیتی کوچلردن راضی کورسه‌تیلگن و مذکور تدقیقاتده 60 فایز یشاوچیلر طالب‌لرنی باغلیق و مزدور گروه دیگنلر.
مذکور تدقیقات «حکومت عامه فکرده» عنوانی آستیده تورت بولیم‌ده؛ امنیت، طالبلر، حکومتگه یول کورسه‌تیش و قضا بولیمی‌ده تیارلنگن.
خورشید خصوصی بیلیم یورتی نینگ باشلیغی عبدالرحیم احمد پروانی نینگ گزارشنی ارایه قیلیشده، یشاوچیلردن تدقیقات و سوره‌شلر حکومت‌نی تیکشیر دیب بیله‌دی.
اوشبو تدقیقاتده اشتراک ایتگنلردن 16.8 فایزی امنیتی کوچلردن راضی ایمس‌لیکلرینی تیلگه آلگنلر. 40.1 فایز یشاوچیلر امنیتی کوچلرنی ترورچی گروه‌لرگه قرشی حمایت قیلگن و 31.8 فایز هم امنیتی کوچلرنینگ ترورچی گروه‌لرگه قرشی عمللرینی قانیقرلی ایمس دیگنلر و یشاوچیلردن 25.1 نینگ ایتیشلریچه، امنیتی کوچلرنینگ ترورچی گروه‌لرگه بوندن کوپراق کوره‌شیشلری لازم.
تدقیقاتده اشتراکت ایتگنلردن 39 فایزی امنیتی کوچلرگه ایشانچ‌لری کامل و 14 فایزی اونچه‌لیک ایشانمه‌گن. شونینگدیک ملی پولیس‌گه هم 26 فایز یشاوچیلر ایشانچ کورستگن و 24.5 فایز ایسه اونچه‌لیک ایشانمه‌یدیلر.
8صبح ویراستارلریدن فریدون آژندنینگ هم مذکور تدقیقاتنی ارایه قیلیش پیتده ایتیشیچه، یشاوچیلردن 29 فایزی مملکت بویلب بوزغونچلرگه طالبلر ملامت دیگنلر و جهانی جامعه‌سی نینگ افغانستانگه نسبتن یمان قره‌یدی دیب بیله‌دیلر. تدقیقاتده اشتراک ایتگنلردن فقط 5.2 فایزی حکومتگه قرشی طالبلرنینگ فعالیتلرینی حمایت قیلگنلر.
اورگه نیلگن فکرده قتنشگنلردن 44 فایزی طالبلر بیلن سوزله‌شیشگه قرشی، 39 فایزی مذکور سوزله‌شیشلردن حمایت قیلگنلر و باشقه 16 فایز اشتراکچیلر بوباره‌ده بیرنرسه دیمه‌گنلر.
اهالیدن 56.1 فایزی طالبلر سوزله‌شیشلرده افغانستان اساسی قانونی قبول قیلیشلری لازدم دیگنلر و اوشبو گروه اعضالری عادی یششلرینی ایسته‌گنلر و 19.2 فایزی، طالبلرنینگ سوزله‌شیشگه تیار بولمه گونگه قدر نابود قیلینسین دیگنلر.
تدقیقاتگه کوره، قتنشگنلردن 42 فایزی مجلس اعضالرینی اوز منفعت‌لری اوچون اصلاحات‌گه قرشی تورگنلر و 28.7 فایز اشتراکچیلر مجلس اعضالرینی اصلاحات کیلتیریش باره‌سیده سلبی توشینه‌دی دیگنلر.
اشتراکچیلردن 22.1 فایزی عیاللر کوچله نیشی باره‌سیده حکومت نینگ سیاستی ثمرلی دیگنلر و قالگن 29 فایزی ایسه دوام ایتیب کیله‌دیگن سیاستلر ناکام دیگنلر.
اشتراکچیلردن 41.8 فایزی دولتنی ایریم بولیم‌لرده شایسته و ایش بیلرمان کیشیلر اوستیده سرمایه یاتقیزیشینی طلب قیلگنلر. قتنشگنلردن 27 فایزی اصلاحات باره‌سیده حکومت ایشلرینی قانیقرلی دیگن و 28 فایزی ایسه شایسه شخصلرنی ایریم بولیم‌لرده آلیش ایشی حکومت تامانیدن تیزلشتیریلیشینی سوره‌گنلر.
تدقیقاتده اشتراک ایتگنلردن 53 فایزی قضایی بولیم‌لرده کیلتیریلگن اصلاحاتلردن خبرسیز و 27 فایزی ایسه کیلتیریلگن اصلاحاتلردن خبر ایکن‌لیکلرینی تیلگه آلگن. کیلتیریلگن اصلاحاتلردن 45 فایز یشاوچیلر خرسندلیک بیلدیرگن و 29 فایزی ایسه کیلتیریلگن اصلاحاتلر باره‌سیده مثبت فکر بیلدیرگنلر.
مذکور تدقیقات 11 ولایت مرکزیده 3717 کیشی‌دن فکر اورگه‌نیلیشی بیلن تیارقیلینگن. اشتراکچیلردن 61.3 فایزی ایرکک و قالگن 37.8 فایزی عیال بولگن.
