قیشلاقلرده عیاللر ایرکک‌لرنینگ یانیده ایش قیلیب و اقتصادی وضعیت یخشی‌لنیشی خصوصیده ایجابی تأثیر قویه‌دیلر. قیشلاقلرده مؤسسه‌لرنینگ فعالیتی کینگه‌یگنی باعث، کوپینچه عیاللر ایش اورگنگن‌لر و بو موضوع عایله‌لرنینگ اقتصادی وضعیتی یخشی‌لنیشی توغریسیده یاردم بیرگن.
مذکور مؤسسه‌لر تخار ولایتی‌نینگ عیاللریگه تیکووچیلیک، تاووق سقلش و باغچه قوریش خصوصیده تعلیمات بیرگن. "هدای شرق" موسسه‌سی تخار ولایتی‌نینگ مرکزی و بهارک تومنی‌ده 25 عیال گه تیکووچیلیک تعلیماتی بیرگن. مذکور موسسه‌دن فارغ بولگن عیاللر حاضر تالقان شهریده تیکووچیلیک ایش‌خانه‌سی توزه‌تگن‌لر.
شهنازنینگ تیکووچیلیک ایش‌خانه‌سی تالقان شهریده فعالیت قیله‌دی. مذکور ایش‌خا‌نه‌ده کوپینچه عیاللر تیکووچیلیک ایشلری بیلن شغللنه‌دیلر. مذکور ایش‌خانه ایگه‌سی خانم شهناز تیکووچیلیک‌نی ایکی ییل جریانیده هدای شرق موسسه‌سیده اورگنیب و مذکور ایش‌خانه‌نی قوریش بیلن باشقه عیال‌لرگه تیکووچیلیک تعلیماتی بیره‌دی.
شهنازنینگ ایتیشیچه، کوپینچه عیاللر اونینگ ایش‌خانه‌سی‌ده تیکووچیلیک تعلیماتی کوریب و حاضرده اوزلری ایش‌خانه قوریب باشقه عیال‌لرگه تیکووچیلیک تعلیماتی بیره‌دی.
شهناز نینگ ایتیشیچه، تیکووچیلیک اونینگ حیاتی‌ده ایجابی تاثیرقویگن، حاضرده او حیات خره‌جتی‌نی تیکووچیلیک طریقی بیلن تامین ایته‌دی. او ییترلیچه امکانات یوقلیگیدن شکایت قیله‌دی، بیراق قولیگه بولگن امکانت بیلن اهالی نیازی‌نی برطرف ایتیشی‌نی بیلدره‌دی.
تیکووچیلیک تعلیماتی کورگن عیال‌لرنینگ کوپینچه‌سی شغل‌لریدن راضی دیر، بیراق ییترلیچه امکانات و تیکووچیلیک ماشین‌لری یوقلیگیدن تنقید ایته‌دی‌لر. اولرنینگ ایتیشیچه، ایترلیچه امکانات‌لری بولگن حالده باشقه عیال‌لرگه تعلیمات بیریش یانیده، درآمد‌لری یوقاری کیته‌دی. اولر حکومت‌دن عیال‌لرده توجه ایتیشی‌نی سورب و اولرگه شغل زمنیه‌سی‌نی یره‌تیشی‌نی سوره‌گن‌لر.
هدای شرق موسسه‌سی مسوول‌لری نینگ ایتیشیچه، مذکور موسسه فعالیت‌لری عیال‌لرنینگ ظرفیتی‌نی یوقاری ایلتیب اولر حیاتی‌ده مثبت تاثیرقویگن. اوشبو موسسه مسوول‌لریدن بیری خاطره میرزاد نینگ سلام وطندارگه ایتیشیچه، مذکور موسسه قولیگه بولگن امکانات بیلن کوپینچه عیال‌لرگه تیکووچیلیک و تاووق سقلش خصوصیده تعلیمات بیریب و تعلیمات‌دن سونگ اولرفعالیتی‌دن نظارت قیله‌دی. اونینگ ایتیشیچه،اوشبو موسسه بیرقطار عیال‌لرده بیر یا ده ایکی پایه تیکووچیلیک ماشینی و تیکووچیلیک لوازمی یاردم ایتکن.
هدای شرق موسسه‌سی، تعلیمات بیریش فعالیتی یانیده معلومات بیریش، اهالی اساسی حق‌لری و عدالت ایستش بولیم‌لرده اهالی‌گه یاردم بیره‌دی.
سلام وطندارگه صحبت بیرگن تخارعیال‌لر ریاستی‌نینگ باشلیغی رزم آرا حواش نینگ ایتیشیچه، موسسه‌لر تامانیدن تعلیمات کورگن عیال‌لرنینگ ظرفیت و معلوماتی کوپیگن. اوتکن ییل تخار عیاللری اوچون یوتوقلیک بیرییل بولگن. چونکه موسسه‌لر مذکور ولایت نینگ کوپنچه تومن لریده باریب عیال‌لرده تعلیمات بیرگن. حاضر ده عیاللر پروژه‌لرده قوشیلیب و اوز فعالیت‌لریدن فایده‌لنه‌دی.
تخارنینگ عیاللر ریاستی مسوولی، عیاللر اوچون صورت تاپکن فعالیت‌نی ییترلی بیلمی ایتیشیچه، اوزاق‌ده بولگن قیشلاقلرده عیاللر ظرفیتی‌نی یوقاری اییلتیش اوچون فعالیت یولگه قوییلیشی کیره‌ک.
