.jpg)
کوکچه اطرافیده‌گی تومن‌لردن 5 ته‌سیگه طالبان گروهی کینگ شکلده فعالیت قیله‌دی، بیراق سونگی کون‌لرده اوشبو گروه جنگریلری رستاق تومنی‌نینگ قطار قیشلاقلریده نفوذ قیلگن و اوروش ساحه‌سینی کینگی‌تیریش اوچون سعی و حرکت قیلماقده.
خواجه‌غار، دشت‌قلعه، خواجه‌بهاوالدین، درقد، ینگی‌قلعه، چاه‌آب و رستاق تومن‌لری کوکچه اطرافیده‌گی تومن‌لر جمله‌سیدن دیر.
بو تومن‌لردن 5 ته‌سی سونگی ییللرده طالبان گروهی‌نینگ حضوری بولگنی باعث، ناتینچ بولگن.
بیراق طالبان جنگریلری جاری ییلده ینگی‌قلعه تومنی آرقه‌لی چاه‌آب تومنیده نفوذ قیلیب و اوشبو تومن قطار قیشلاقلرینی تصرف قیلگن.
سونگی کون‌لرده طالبان گروهی رستاق تومنی‌نینگ قطار بولیم‌لریده نفوذ قیلیش اوچون سعی و حرکت قیلماقده.
امنیتی منبع‌لردن بیری‌نینگ کیم‌لیگی سیر قالیش‌نی ایسته‌ب سلام‌وطندارگه ایتیشیچه، طالبان جنگریلری رستاق تومنی‌نینگ قطار قیشلاقلریده حضور تاپگن و حاضرده مرکز قوریش بیلن مصرف دیر.
اوشبو گروه جنگریلری، اوتگن جمعه کونی رستاق-تالقان قتناو یولیده تیکشیریش ایستگاه قوریب و چاروادارلردن هم ذکات توپله‌گن.
منبع نینگ کوپه‌یتیریشیچه، طالبان گروهی رستان تومنی‌نینگ کورحاتم و اوزن کوتل منطقه‌سینی تصرف قیلیش اوچون سعی و حرکت قیلماقده.
کوکچه اطرافیده‌گی تومن‌لر یشاوچی‌لردن بیرقطاری‌نینگ ایتیشیچه، ینگی‌قلعه، درقد، دشت‌قلعه و خواجه‌غار تومن‌لری‌نینگ مرکزی‌لری امنیتی کوچلر نظارتی‌گه دیر و اوشبو تومن‌لرنینگ قیشلاقلر طالبلر تصرفیگه قرار تاپگن. اولرنینگ ایتیشیچه، مذکور تومن‌لرنی طالبلر قولیگه سقوط قیلیشی ممکن.
کوکچه اطرافیده‌گی تومن‌لر یشاوچی‌لری‌نینگ ایتیشیچه، مذکور تومن‌لرده جای‌لشگن امنیتی کوچلر خوفسزلیک‌نی تامین قیله آلمه‌یدی و مردمی کوچلرنینگ حکومت تامانیدن تجهیزلنیشی کیره‌ک.
کوکچه اطرافیده‌گی تومن‌لرده مردمی کوچلر قومندان‌لریدن بیری ملک تاتارنینگ ایتیشیچه، امری‌ده بولگن کوچلر خواجه‌بهاوالدین و ینگی‌قلعه تومنی‌نینگ اونلرچه قیشلاق‌لریدن حفاظت قیله‌دی و مذکور تومن‌لرنی طالبلر وجودیدن تازه‌لش اوچون حکومت تامانیدن حربی بیر عملیات یولگه قوییلیشی کیره‌ک.
تخار حاکمی‌نینگ سوزلاوچیسی جواد هجری، طالبان جنگریلرینی اوشبو ولایت قطار تومن‌لریده فعالیتی بولگنی‌نی تصدیق‌لیدی، بیراق طالبلرنی نابود قیلیشی اوچون حربی عملیات یولگه قوییلیشی ممکن دیدی.
شونینگدیک، تالقان شهرینینگ 20 کیلومترلیگی‌ده قرار تاپگن بهارک تومنی و اشکمش تومنی هم طالبان گروهی‌نینگ تهدیدی آستیگه قرار تاپگن.
شوتوغریده…
