اوتگن کون تخار ولایتیده ناگرانلر خلق ارا کونینی نشانلش مناسبتی بیلن اویوشتیریلگن ییغینده چیقیش قیلگن ولایت دین عالملر کینگشی نینگ باشلیغی مولوی عبدالصمد «خاتینلر دنیاده‌گی اینگ حیاسیز طایفه.» دیگن ایدی.
ولایت دین عالملر کینگشی باشلیغی نینگ بو سوزلری اجتماعی ترماقلرده جدی عکس‌العمل‌لرگه روپه ره بولدی.
تخار دین عالملر کینگشی باشلیغی نینگ اظهار قیلگن سوزلرینی لفظی خطا دیگن ولایت نینگ محلی رسمیلری، او تیرگاو قیلینمیدی دیگنلر.
تخار ولایت والسی‌نینگ سوزلاووچیسی سنت‌الله تیمور، ولایت دین عالملر کینگشی نینگ باشلیغی بو موضوع لفظی بیر خطا بولگن لیگینی تَن آلگن دیدی. سوزلاووچی، دین عالملر کینگشی نینگ باشقه اعضالری همده ولایت کینگشی اعضالری تامانیدن مشترک بیر ییغین اوتکزیلشی کوتیله‌دی دیگن.
سلام‌وطندار ترماغیگه صحبت بیرگن فعال عیال آویژه اورژالان، تخار ولایت دین عالملر کینگشی رییسی نینگ بو قبیل سوزلری خاتین قیزلرگه قرشی زوروانلیک میزانی‌نی آشیریشینی ایتگن. او، مملکت عدلی و قضایی اداره‌لریدن بو مولوی قانونگه موافق محاکمه بولیشینی سوره‌گن. شونینگدیک اورژالان «بونده‌ی سوزنی تیلگه آلیش، آنه و سینگلی‌گه نسبتن ییریک اهانت»دیدی.
عین حالده، افغانستان خاتین – قیزلر وزیرلیگی نینگ سوزلاووچسی، تخار دین عالملر کینگشی باشلیغی محاکمه بولیشی کیله‌جکده باشقه‌لر اوچون اوگیت بولیشینی تیلگه آلگن.
لیکن، تخار دین عالملر کینگشی نینگ باشلیغی مولوی عبدالصمد، خاتین – قیزلرگه حرمتی بارلیگی توغریسیده تاکیدلب، اوتگن کون تیلگه آلگن سوزلری اولتیریش – توریشنی انابتگه آلمه‌گن معین خاتینلرگه قره‌تیلگن ایکن لیگینی بیلدیرگن.
بوندن آلدین هم تخار ولایتی نینگ ولایت کینگشی رییسی عیاللرگه نسبن جنجاللی مساله‌لرنی تیلگه آلیب، مدنی بیر اعتراضده داعش حرکتی‌دن حمایت قیلگن ایدی.
