تخار ولایتی‌نینگ محلی بلند مرتبه‌لی رسمیلری، جنگری طالب‌لر تینچ‌لیک لایحهسیگه قوشیلیب، بو اداره نینگ آیلیک و مادی امکانیتلریدن فایده‌له‌نیب قیته طالب‌لر صفیگه قوشیله‌دی دیگن‌لر. ولایت امنیه قوماندانی سوزلرینی تصدیق له‌گن تخار عالی تینچ‌لیک کینگشی‌نینگ باشلیغی، مرکز ده عالی تینچ‌لیک کینگشی اداره‌سی رسمیلرینی تفاوت سیزلیک‌که عیب‌له‌گن.
تخار ولایتی نینگ محلی بلند مرتبه‌لی رسمیلری، دایم افغان ملی کوچلری تامانیدن مملکت‌نینگ نابرقرار حدودلریده اوتکزیله‌دیگن حربی عملیات جریانی‌ده قورال‌لی طالب‌لر چاره سیز تینچ‌لیک لایحهسیگه قوشیلیش‌گه اولگوره دی دیگن‌لر.
تخار ولایتی‌نینگ امنیه قوماندانی نور محمد حکیمی نینگ سلام وطندار ایتیشیچه، تینچ‌لیک عالی کینگشی‌گه قوشیلگن بیر قنچه قورال‌لی طالب‌لر عالی تینچ کینگشی‌نینگ امتیازینی قول‌گه کیریتگن‌دن سونگ قیته‌دن قورال‌لی طالب‌لر صفیگه قوشیلیب دوباره افغان ملی کوچلری بیلن اوروش قیله‌دی.
جناب حکیمی، قورال‌لی طالب‌لر اوروش میدانی‌ده ناچار قالگن بیر پیتده اوزلرینی اولیم‌دن قوتقاریش اوچون ملی کوچلر بیراغی‌نی کوتاریب یره‌ش لایحهسیگه قوشیله‌دی دیگن.
عالی تینچ‌لیک کینگشی سعی و حرکت‌لرنی تقدیرله‌گن ولایت امنیه قوماندانی تینچ‌لیک لایحه‌سی‌نینگ نتیجه‌سیگه ایشانمس‌لیگینی بیلدیرگن.
عین حالده، تخار ولایتی‌نینگ عالی تینچ‌لیک کینگشی باشلیغی مامور حسن‌گه کوره، طالب‌لرنینگ کوپچیلیگی تینچ‌لیک مذاکره‌سی‌گه قوشیله‌دی؛ لیکن، نیچه وقت‌دن کیین ینه مخالف‌لر صفیگه باریب ملی کوچلرگه ضد اوروش باشلیدی.
تخار عالی تینچ‌لیک کینگشی‌نینگ باشلیغی، مرکز ده عالی تینچ‌لیک کینگش اداره‌سی‌نینگ قیله‌جک فعالیت‌لریدن خواطر بیلدیرگن.
مامور حسن‌گه کوره، درقد تومنیده اوروش‌ده دولت قورال‌لی مخالف‌لری نینگ 45 ته‌سی تینچ لیک لایحهسیگه قوشیلگن؛ لیکن، مرکز ده عالی تینچ‌لیک کینگشی‌نینگ رسمیلری توجه‌سیز لیگی سبب، بولرنینگ بیر قنچه‌سی طالب‌لر صفیگه قوشیلیب هلاک بولگن‌لر.
