بوگون «چهارشنبه» ایرته‌لب تخار ولایتی‌نینگ ینگی‌قلعه تومنیده طالب‌لر 6 مکتب‌نینگ دروازه‌سینی یاپگن. مذکور گروه جنگری‌لری‌نینگ ایتیشیچه، تخار معارفی اوچون مذکور گروه تامانیدن باشلیغ قیلیب تعیین ایتیلگن امیر محمد مزمل، ملی خوفسیزلیک قماقخانه‌سیدن قوییب یوباریلگونگه‌قدر، مکتب‌لرنینگ دروازه‌لری یاپیق قاله‌دی.
اوشبو موضوع نی تصدیق‌لگن تخار خوفسیزلیک قومندانلیگی سوزلاوچیسی خلیل اسیرنینگ ایتیشیچه، قوراللی طالب‌لر مذکور 6 مکتب‌نینگ یاپیشی‌گه قوشیمچه، ینگی‌قلعه تومنی‌نینگ معارف آمرینی، مذکور تومنده‌گی برچه مکتب‌لرنی یاپیشی توغریسیده آگاه‌لنتیرگن.
تخار ولایتی‌نینگ معارف ریاستی باشلیغی سمیع ابدیارنینگ ایتیشیچه، قوراللی طالب‌لر اوشبو مکتب‌لرنینگ حاضری و ترقی و تعلیم‌لرینی هم اوزلری بیلن آلیب کیتگن و شونینگدیک، ینگی‌قلعه و خواجه بهاوالدین تومن‌لری‌نینگ معارف آمرلریگه مذکور تومن‌لرنینگ مکتب‌لرینی تیزلیک‌ده یاپیش‌لری توغریسیده هشدار بیرگن.
تخار ولایتیده اونملی امنیتی منبع‌لردن بیری سلام‌وطندارنینگ اختیاریگه بیرگن معلومات اساسیده، قوراللی طالب‌لر مذکور ولایت‌نینگ 5 تومنی‌نی معارف آمرلریگه مکتب‌لرنی تیزلیک‌ده یاپیش‌لری توغریسیده خبر بیرگن.
بیراق، تخار حاکمی سوزلاوچیسی‌نینگ ایتیشیچه، حکومت نه‌فقط طالب‌لر تامانیدن معارف باشلیغی قیلیب تعیین ایتیلگن کیشی‌نینگ قوییب یوبارمه‌یدی، بلکیم کینگ حربی عملیات‌لر یولگه قوییب مکتب‌لرنی قیته‌دن آچه‌دی.
شونینگدیک، بیر هفته آلدین، قوراللی طالب‌لر تخار ولایتی‌نینگ نیچه تومنی‌نی اوقیتووچیلرینی مذکور گروه تامانیدن معارف باشلیغی قیلیب تعیین ایتیلگن امیر محمد مزمل قوییب یوباریلیشی توغریسیده، تخار محلی حکومتی بیلن صحبت قیلیش‌گه مجبورلگن ایدی؛ بیراق کورینیشیچه، اوقیتووچیلر بیلن محلی حکومت سوزلشووی نتیجه‌سیز قالگن.
