.jpg)
تخار ولایتی ساغلیق‌نی سقلش باشقرمه‌سی‌نینگ ریسی داکتر حفیظ‌الله صافی، رستاق تومنی خانقاه قیزلر مکتبی‌نینگ اوقیتوچی‌لری قوشیمچه 120 اوقوچی بوگون (چهارشنبه) زهرلنگن‌دن کیین شفاخانه‌گه آلیب کیلیگن‌لیکلیرینی ایتگن.
سلام‌وطندار ترماغی‌بیلن صحبت قیلگن جناب صافی، داکترلر هنوزچه زهرلنتیریش سببی‌نی انیق‌له آلمه‌گن‌لر دیگن. اما، بو زهرلنتیریش کوپراق روحی باسیم‌لردن تاثیرلگن‌لیک نتیجهسیده کیلیب یوز بیرگن بولیشی ممکن. چونکه اوقیتوچی‌لر همده اوقوچی‌لر آزاد فضاده بولگن‌لیکلری باعث اطراف لریده هیچ قنده‌ی زهرلنتیروچی ماده بولمه‌گن.
بیراق، تخار امنیه قوماندانی جنرال نورمحمد حکیمی، اوقیتوچی‌لر همده اوقوچی‌لر آچیق فضاده درخت آسیت‌ده بولگن‌ده زهرلنگر دیب، بولر درخت‌گه سیپیلیگن مخصوص دوا تاثیری نتیجهسیده زهرلگن بولیش‌لری هم امکاندن اوزاق ایمس دیگن.
شونینگ‌دیک بوندن ایکِی هفته آلدین هم رستاق تومنی‌نینگ بیر قنچه مکتب‌لریده 50 اوقوچی زهرلنگن ایدی.
تخار ولایتی شفاخانه‌سی‌نینگ باشلیغی، بو حادثه اوچ ییل آلدینگی واقعه‌گه اوخشیدی دیگن. اونگه کوره، بوندن اوچ ییل آلدین هم تخار ولایتی‌نینگ بیر قنچه مکتب‌لری اینیقسه قیزلر لیسه‌سی‌ده نیچه بار زهرلنتیریش واقعه‌لری یوز بیرگن ایدی. آخرگه کیلیب، داکترلر هم بو زهرلنتیریش نینگ اصلی سببنی انیق‌لش‌گه موفق بولمه‌گن ایدی. اما، امنیتی اداره‌لرنینگ مسوول‌لری، نیچه کیشی‌نی بیر قنچه زهرلنتیروچی ماده بیلن قول‌گه آلگن ایدی.
