تخار ولایتی گه تیگیشلی وطنداشلیک شرطنامه‌سی بیر ییل آرتده قالدیریلیب جاری ییل‌نینگ حمل آیی‌ده باشلندی. حاضر تخار ولایت کینگشی اعضالری‌نینگ تنقید قیلیشیچه، مذکور ولایتده وطنداشلیک شرطنامه‌سی تیزلیک‌که عملی بولمه‌یدی.
سلام‌وطندارگه صحبت بیرگن تخار ولایت کینگشی اعضاسی اعظم افضلی‌نینگ ایتیشیچه، وطنداشلیک شرطنامه‌سی‌نینگ ملی لایحه‌سی اوتگن 8 آی ده محلی کینگش‌لرینی ایجاد قیلیش گه مؤفق بولمه‌گن.
افضلی گه کوره، مذکور لایحه‌نینگ اجتماعی ایشلاوچی‌لری قومی جنجل‌لرنی حل قیلیش تجربه‌سیز بولگنی باعث، کینگش‌لرنی تیزلیک‌که ایجاد قیله آلمه‌گن‌لر.
تخار ولایتیده مدنی جمغرمه‌لر ترماغی‌نی باشلیغی منیر هدف نینگ ایشانچی گه کوره، وطنداشلیک شرطنامه‌سی‌نینگ ملی لایحه‌سی تامانیدن محلی کینگش‌لر تیزلیک‌که ایجاد ایتیلمه‌گنی باعث، اهالی و حکومت آره‌سیده فاصله کوپه‌یگن.
عین حالده، تخار ولایتی بوییچه وطنداشلیک شرطنامه‌سی‌نینگ ملی لایحه‌سی مسؤولی طارق مردان، تنقیدلرگه جواب ایتیشیچه، اوشبو لایحه‌نی عملی ایشی شرطنامه‌لر مرکز تامانیدن تیزلیک‌که امضاءلنمه‌گنی سبب، کیین گه قالگن.
مردان گه کوره، ایش تیزلیک‌که ایلگری بارماقده و حاضرگه‌قدر 847 کینگش آره‌سیدن 336 کینگش تکرار سیلاو اوتکزیلیب ایجاد ایتیلگن.
وطنداشلیک شرطنامه‌سی‌نینگ ملی لایحه مسؤولی‌نی کوپه‌یتیریشیچه، محلی کینگش‌لر ایجاد ایتیلگونگه‌قدر، آست قوریلمه بولیمی‌ده‌گی ایش باشلنمه‌یدی.
وطنداشلیک شرطنامه‌سی‌نینگ ملی لایحه‌سی ملی بیرلشمه لایحه‌سی‌نینگ اورنی گه بولگن و بو لایحه آست قوریلمه خذمت‌لر جمله‌دن سوو ییتکزیش، جاده قوریش و برق ییتکزیش ملی ترماقلر ایجاد ایتیلیشی اوچون ریجه‌لنگن.
تخار ولایتی‌نینگ آز رواجلنگن 8 تومنی بیرینچی باسقیچ‌ده 4 ییل بوییچه بو لایحه‌دن فایده‌لنه‌دی.
