تخار ولایتی بوییچه معارف ریاستیدن بیر منبع نینگ ایتیشیچه، اوشبو ولایت مرکزیده جایلشگن ابوعثمان تالقانی لیسه‌سی ناتانیش قوراللی کیشی‌لر تامانیدن اوت بیریلگن.
مذکور منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، بوگون "پنجشنبه" ایرته‌لب ساعت 2 اطرافیده ناتانیش قوراللی کیشی‌لر ابوعثمان تالقانی لیسه‌سی نینگ قوروقچی‌لرینی کلتک‌لگنیدن سونگ، مکتب بناسینی اوت بیرگن.
منبع نینگ ایتیشیچه، مذکور واقعه‌ده مکتبگه بولگن بوتون حجت‌لر، اداری اسناد و اوقووچی‌لرنینگ جدول‌لری یانگن.
تخار حاکمی سوزلاوچیسی جواد هجری نینگ بیر اعلامیه آرقه‌لی ایتیشیچه، ابوعثمان تالقانی لیسه‌سی نینگ بیرینچی طبقه‌سی کامل صورتده اوت آلگن.
تخار ولایتی بوییچه معارف ریاستی نینگ تعلیمی برنامه‌لر آمری حسام‌الدین نظری نینگ فیسبوک صحیفه‌سیده یازیشیچه، ابوعثمان تالقانی لیسه‌سی اوشبو ولایتده بولگن اونملی مکتب‌لردن بیری ایدی و کمیده 3000 اوقووچی مذکور مکتب‌ده تعلیم کوره‌ریدی.
او، تخار محلی مسوول‌لرینی دقت‌سیزلیک‌که عیب‌لب و اولردن بوتوغریده جواب قیتریشینی ایسته‌یدی.
سونگی 6 آی جریانیده بو 3- مکتب کیم ناتانیش کیشی‌لر تامانیدن تخار ولایتیده اوتگه تارتیله‌دی.
