 - Copy 1.jpg)
معصومه علیزاده 19 یاشده. او، مملکت باسکیل هیداوچیلر ملی تیمینینگ اعضاسی. ایندی بلاغتگه ییتگن بو قیزنینگ حکایهسیگه کوره، مینگ بیر مشقت بیلن سپورت قیلیش قیزلر اوچون هیچ قندهی قیینچیلیگی بولمهگنی توغریسیده دستلب خانهدانینی راضی قیلیشگن.
لیکن، هنوز هم اوز جاییده قالگن یگانه قیینچیلیک باسکیل هیدهی دیگن چاغده کیشیلرنینگ قرهشی و آغیزلریدن کیلگن بولر بولمس گپنی حواله قیلیش دیر.
بو سپورتچی پروان ولایتی شیخ تومنینینگ یشاوچیسی. علیزاده، بوندن آلتی ییل آلدین باسکیل هیدهش گه یوز کیلتیریب، فقط تورت ییلدن بیری مملکت ملی تیمیده باسکیل هیدهش مشقی بیلن آواره.
معصومی خصوصی مکتبلردن بیریده سپورت مضمونینی درس بیریشدن علاوه کامپیوتر ساینس بولیمینینگ محصلی اولهراق درس اوقیدی.
معصومه، مکتبنینگ باشلنغیچ صنفیده درس اوقیب یورگن پیتلریدهیاق باسکیل هیدهش بیلن شغللنگن؛ بیراق جمعیت همده عایلهوی چیکلاولر صحنهگه چیقیش اوچون اذین بیرمهگن لیگینی حکایه قیلگن.
.jpg)
معصومه، اهالی تامانیدن سوکیش ایشیتمسدن توریب باسکیل هیدهگن کونی ایسیگه کیملس لیگینی ایتهدی. افغانستان کبی قالاق بیر مملکتده سپورتچی بیر قیزنینگ مقابلیگه ایتیلهدیگن گپرلر دام مینگه امیدسیزلیک پیغامینی بیرر ایدی دیدی خانم معصومه.
اما، ذهنیمدهگی تصورگه قرشی خلقنینگ هر قندهی بولر بولمس گپلریگه اعتبار بیرمسدن اوز نیتیم – مقصدیم اوچون بارهدیگن یولدن قیتمهدیم.
باسکیل هیدهب کیته یاتگن پیتلرده حتی کیشیلر تامانیدن تاش بیلن نشانگه آلینگن کونلری هم یوق ایمس دیدی بو سپورتچی قیز.
حتی، بو ایش کوپینیچه وقتلرده علیزادهنینگ خیابانلرگه چیقیب مشق قیلیشی اوچون کته توسیق یرهتگن. حال بوکه، شوندهی وقتلرده باسکیل هیدهش مسابقهسیده اشتراک قیلیش اوچون کونده 30 دن 50 کیلو متر فاصلهنی باسیب اوتیشیگه کته احتیاج بولگن.
معصومه قزاقستان، هند و فرانسهده اوتکزیلگن قهرمانلیک رقابتلرده اشتراک قیلگن. اینگ سونگی بار فرانسه باریب، باسکیل هیدهش بیلشوویده 25 دولت ایچیده ایکینچی مقامنی افغانستان نامیگه کسب ایتگن.
افغانستانلیک سپورتچی قیز جاری ییل سپمتر آییده آسترلیاده اوتکزیلهجک باسکیل هیدهش مسابقهسیده قتنهشیش آرزوسیده. او، بو بیلشووده اشتراک قیلیب، دنیا بولیب افغانستان بیراغینی هیلپیرهتیشده امیدی کته.
