بوگون (15 ثور) خلق ارا دایله‌لیک کونی‌گه تینگ. مملکت ساغلیق‌نی سقلش وزیرلیگی بو سنه‌نی نشانلش مناسبتی بیلن اوتکزگن ییغین‌ده چیقیش قیلگن رسمی‌لر، مملکت بویلب شفاخانه‌لرده 35 مینگ دایه فعالیت قیله‌دی دیگن‌لر.
کیلگوسی بیش ییل‌گه قدر بو رقم گه ینه 12 مینگ قوشیلیشی کوتیله‌دی. ساحه متخصص‌لری، بو رقم بیلن مملکت بویلب 80% دایه‌گه بولگن احتیاج بر طرف ایتیلیشی ممکن لیگینی بیلدیرگن‌لر.
حسابات‌لرده، هنوز هم 67% خاتین لر اویلرده توغیشی قید ایتیلگن. کوپینچه منطق‌لرده شفاخانه‌لر بولمه‌گنلیک سبب خاتین‌لر اویده کوز یاره‌دی.
ساغلیق‌نی سقلش وزیرلیگی‌نینگ اورین باسری ناجیه طارق، آنه و باله لر اولیم میزانی کمیگن‌لیگی اوچون ملکه‌لی دایه‌لرنینگ رولی باره‌سی‌ده اشاره قیلیب، وزیرلیک تامانیدن اوتکزیلگن حسابات‌ده، توغیش جریانی‌ده یوزمینگ آنه‌دن 327ته‌سی حیاتدن کوز یومه‌دی دیگن.
معلومات‌لرگه کوره، بوندن آلدین 27 دقیقه‌ده بیر آنه باله دنیاگه کیلتیریش‌ده عالم‌دن اوتردی. شونینگ‌دیک بو رقم ایسه حاضر ایکّی ساعت بیر آنه کوز یاریش پیت‌ده جانینی قولدن بیره‌دی.
ساغلیق‌نی سقلش وزیرلیگی رسمی‌لری، اوتگن اون ییل مابینی‌ده افغانستان صحی سیستم آرقه‌لی ایش آلیب ملکه‌لی دایه‌لرنی تربیه‌له گن‌لیگی باعث آنه و باله لر اولیمی آلدینی آلیش‌گه قادر بولگن دیگن‌لر.
سلام‌وطندار بیلن صحبت قیلگن بیر قنچه قابله‌لر، دایه‌لر اوچون لوازم بولمه‌گن‌لیگی‌دن شکایت قیلگن‌لر. اولرنینگ سوزلریگه قره‌گن‌ده، قابله‌لرنینگ کوپینچه‌سی شفاخانه‌لر مرکزیده داکترلرگه همکارلیک قیله‌دی.
افغانستان دنیا بویلب 73 مملکت ایچی‌ده هنوز هم آنه و باله‌لر اولیم میزانی یوقاریده تورگن بیر پیت‌ده مملکت‌ده دایه‌لر خلق ارا کونی نشانلنه‌دی.
بو ییلگی ییغین «آنه چقه‌لاق؛ قابله‌لیک یوره‌گی» نامی آستی‌ده، ساغلیق‌نی سقلش وزیرلیگی، افغانستان قابله‌لر بیرلشمه‌سی، بیرلشگن ملت‌لر تشکیلاتی‌نینگ جمعیت صندوغی و افغانستان اوچون امریکه قوشمه ایالت‌لری‌نینگ ترقیات ادراه‌سی بلند مرتبه‌لی رسمی‌لری اشتراکیده اوتکزیلدی.
