فاریاب ولایتی گرزیوان تومنی نینگ غولبیان استراتیزیک قیشلاغی بیش ییل گه قدر طالب‌لر قولیده ایدی، اوتگن کون امنیتی کوچلر تصرفی‌گه اوتدی.
گرزیوان تومنی سرپرستی عبدالرزاق کاکر نینگ سلام وطندارگه ایتیشیچه، اوشبو قیشلاق سرپل، جوزجان، غور و ولایت کوهستانات تومنی بیلن چیگره داش دیر.
شونینگ دیک جناب کاکرگه کوره، طالب‌لر بیلن امنیتی کوچلر 48 ساعت‌لیک توقنه شوولری نتیجه‌سیده، مذکور قیشلاقنی بوتونلی اوز تصرف‌لریگه آلیش‌گه موفق بولگن‌لر.
گرزیوان سرپرستی نینگ بیلدیریشیچه، اوروش آقیمیده جنگری‌لردن ایکی کیشی بیر باشلیغ‌لری قوشیمچه هلاک و باشقه 6 جنگری طالب ایکی محلی پولیس قوشیمچه تن جراحتی آلگن.
جناب کاکر ایکی یاش اولوغ کیشی طالب‌لر تامانیدن غولبیان قیشلاغیده عسکرلیک تهمتی بیلن اوقگه آتیلگن.
باشقه بیرتاماندن گرزیوان ولسوال‌لیگی سرپرستی‌نینگ سوزلریگه کوره، ایکی گروه اورته‌سیده یوز بیرگن اوروش نتیجه‌سیده «درهء زنگ» قیشلاغیده ایکی نفر هلاک بولیب و آلتی کیشی تن جراحتی آلگن. ایتیلیشیچه، یره‌لنگن‌لردن ایکی ته‌سی عیال بولگن.
گرزیوان ولسوال‌لیگی‌نیگ سرپرستی اوروش اوتگن کون ملافیض الله همده غلام‌نبی شجاع اورته‌سیده روی بیرگن دیگن.
حادثه باره‌سیده اونچه‌لیک معلومات بیرمه‌گن گرزیوان ولسوالیگه کوره، مذکور ایکی قوماندان اونلب ناقانونی قورال‌لی شخص‌لری بولگن.
ملی کوچلر همده جنگری طالب‌لر اورته‌سیده نیچه وقتدن بیری اوروش دوام ایتیب کیلماقده. مذکور ولایتده‌گی نابرقرالیک‌لر افغانستان جمهور رییسی نینگ بیرینچی اورین باسری جنرال عبدالرشید دوستم‌نینگ آیاغنی فاریابگه تارتدی. جنرال دوستم فاریاب نینگ ایریم منطقه‌لریدن قورال‌لی طالب‌لردن تازهلب اوتگن کیچه پایتخت کابل‌گه کیلدی.
