بیرلشگن ملتلر تشکیلاتینینگ باش کاتبی آنتونیو گوتریش، افغانستاننینگ سیاسی و امنیتی خصوصیده بولگن اوچ آیلیک گزارشینی اوشبو سازماننینگ خوفسیزلیک کینگشیگه ارایه قیلدی.
مذکور گزارشده امنیتی خواطرلر، تینچلیک لایحه و منطقهیی همکارلیکلر، انسانی حقلر وضعیتی، قیتیب کیلگن قاچقینلر و سیلاولر لایحهسی تیکشیریش آستیگه قرار بیریلگن.
بیرلشگن ملتلر تشکیلاتینینگ باش کاتبیگه کوره، قطار یوتوق‌لیکلر چکهسیده افغانستاننینگ تینچلیک و خوفسیزلیک وضعیتی خواطرلنتروچی دیر. جناب گوتریش، ملی بیرلیک حکومتی و طالبان گروهی آرهسیده صورت تاپگن اوچ کون‌لیک آتیشکیسین و داعش گروهینینگ فعالیتی خصوصیده اشاره قیلگن.
بیرلشگن ملتلر تشکیلاتی باش کاتبینینگ گزارشی اساسیگه، تینچاهالی تلفاتی 2018- ییلده شوندن عباردت دیر: « جولای آینینگ 15-ده تنیچاهالی تلفاتی خصوصیده یوناما تامانیدن ترقهلگن 6 آیلیک گزارشگه کوره. 2018-ییل جنوری آینینگ 1 دن جون آینینگ 30 گهقدر، 1692 تینچاهالی هلاک بولیب و 3430 تینچاهالی یرهلنگن دیر.»
بیراق گزارش بیر بولیمیگه کوره، قورالی آتیشمهلر مملکت امنیتی واقعهلریدن 61 فایزینی تشکیل بیرهدی و اوشبو آتیشمهلر اوتگن ییلگه قرهگنده 14 فایز کمهیگن.
عینحالده، جناب گوتریش، افغانستان سیلاوی خصوصیده سیاسی حزبلرنینگ اعتراضلریگه اشاره قیلگن. او افغانستان سیلاو لایحهسیدن حمایت قیلهدیگن مملکتلرنینگ اوشبو لایحه گه 57 میلیون دالر همکارلیک قیلیشیگه متعهد بولگنی نی بیلدیرگن.
