.jpg)
سلام‌وطندار ویب‌سایتی‌نینگ عزیز و اوقیش‌گه قیزیققن ایزلاوچی‌لریگه قیزغین سلام‌لر بولسین و ینه-ده انسان قاچاقی خصوصیده تیارلنگن گزارش‌نی اوقیب چیقیش‌گه خوش کیلیب سیز. بو گزارش‌لر انسان قاچاقی‌نینگ تورلری جمله‌دن مجبوری محنت، قوللیک، آغیر ایش، بچه بازلیک و فاحیشه‌لیک توغریسیده مملکت یشاوچیلری‌نی کوپراق آگاه‌لنتیریش اوچون نشر قیلینه‌دی.
هر ییل بدخشان یاشلریدن بیرقطاری، ایران و پاکستان مملکت‌لری تامان یول آله‌دیلر و نیت‌لری ایسه مذکور مملکت‌لرگه باریب و او ییرلرده ایش قیلیب و زحمت چیکیب عایله اعضالری‌نینگ قشاقلیگی و کم‌بغل‌لیگی‌گه آز بولگنده هم مرحم قوییش دیر.
بیراق، بو کیشی‌لردن کوپینچه‌سی یخشی بیر کیله‌جک امیدی گه یامان وضعیت گه اوچره‌یدیلر؛ اولر انسان قاچاقچی‌لری‌نینگ توزاغی گه توشیب و بیر مدت مجبوری محنت و آغیر ایش‌لردن سونگ صفر نقطه‌سیگه قیته‌دیلر.
بو گزارش‌ده ایران باریب و او ییرده کوپینچه قیین‌چیلیک‌لرگه روپه‌ره بولیب و آلتی آی آغیر ایش‌لرنی باشیدن کیچیریب و اوندن سونگ، افغانستان گه سورگون ایتیلگن یاش ییگیت دن حکایت قیله‌میز و بو یاش ییگیت حاضر یامان وضعیت‌ده حیات کیچیره‌دی.
«مستعار» خالد آت‌لی یاش ییگیت بیر ییل آلدین بدخشانده بولگن بوتون بار و یوقلرینی ترک قیلیب و یخشی بیر حیات نیتی گه ایران تامان یول آلگن. او، قاچاقچی‌لرنینگ ایسیق و شیرین سوزلری گه ایشانیب و ایران بارگن، لیکن او ییرده آلتی آی آغیر ایش‌لرنی باشیدن کیچیرگنیدن سونگ، بوش چونتک و اوتمیش‌دن کوره یامان وضعیت بیلن بدخشان گه قیتگن.
خالد اورته عالی درگاه‌لرنینگ بیریدن فارغ بولگن و فراغتی‌دن سونگ اوزاق مدت ایش‌سیز قالگن. اونینگ ایتیشیچه، بوتون ایشِیک‌لر یوزیگه باغلنگنیدن سونگ، انچه کونلرنی اوتکزیب و بیر دوستی آرقه‌لی قاچاقچی‌لرنینگ گروهی بیلن تانیشگن. قاچاقچی‌لر خالد دن کمیده 50 مینگ افغانی آلیب و اونینگ ایران گه ییتکیزگن و خالد ایسه قاچاقچی‌لرگه بیرگن پول‌نی آنه‌سی‌نینگ آلتین‌لرینی ساتیب تیارلگن ایکن. او، ایران ده آزمه-کوپ آلتی آی بیر بناده ایشله‌یدی، بیراق شونچه مدت‌ده بنانی ایگه‌سی خالدنینگ پولی‌نی بیرمه‌ی و اونی مملکتی‌دن چیقاریش اوچون پولیس گه تاپشیره‌دی.
خالدنینگ ایتیشیچه، قاچاقچی‌لرنینگ بوتون سوزلری و بیرگن وعده‌لری یالغان ایکن و شونینگدیک توزاققه توشمه‌گنی‌ده حاضرده تیریک‌چیلیگی بونده‌ی قرانغو بولمس ایدی. خالدنینگ ایران‌گه قیلگن سفری توغریسیده ایتیشیچه، یولده نیچه مرته قاچاقچی‌لر و ایران پولیسی تامانیدن کلتک‌لنگن. اونینگ کوپه‌یتیریشیچه، قاچاقچی‌لر یولده اولرنی گروگه آلگن ایدی و پول بیرگن گه‌قدر قاچاقچی‌لرنینگ قماقخانه‌سی‌گه ایکنلر.
جمیل، ینگی‌لیکده ایران‌دن زوردن چیقاریلگن یاشلردن باشقه بیر دیر. اونینگ ایتیشیچه، ایش اوچون ایران‌گه بارگن ایکن، بیراق حاضرده زوردن چیقاریلگن و وضعیتی سابق‌دن کوره یمان بولگن. جمیل‌نینگ کوپه‌یتیریشیچه، هر زمان ایش صاحبی‌دن ایش حقی‌نی طلب قیلگن صورتده، او تامانیدن تهدید ایتیله‌ریکن. اونینگ ایتیشیچه، ایش صاحبی تامانیدن حقوق‌لری‌نینگ توللنمه‌یشی، افغانستان‌لیک مهاجرلرنینگ اقتصادی‌گه منفی تاثیر قویگن.
خالد و جمیل‌نینگ قیغولی داستانی، قاچاقچی‌لرنینگ توزاغیده توشگن کیشی‌لردن قوشنی مملکت‌لر ناتوغری شکلده فایده‌لنیشی‌نی کورسته‌دی.
بدخشان ولایتی بوییچه انسان حقلری کمیسیونی‌نینگ ولایتی دفتری مسؤوللری مهاجرلیک رقمی کوپه‌یگنیدن خواطر بیلدیریب ایتیشیچه، دولتی اداره‌لردن کیلگن رقم‌لرگه کوره، بدخشان یاشلریدن 50% ناقانونی مهاجرت‌گه قول اورگن‌لر.
.jpg)
بدخشان ولایتی بوییچه انسان حقلری کمیسیونی‌نینگ مسوولی عارفه نوید نینگ سلام‌وطندارگه ایتیشیچه، کم بغل‌لیک، ایش‌سیزلیک و ناتینچلیک باعث، اوشبو ولایت‌نینگ هر بیر قیشلاغیده بولگن 100 یاش ییگیت‌دن 50 ته‌سی قاچاقچی‌لر تامانیدن آولنگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتی‌‌نینگ مهاجرلر قاچاقی و انسان قاچاقی‌گه قرشی کوره‌ش یوکسک کمیسیونی تامانیدن تیارلنیب و تصدیق‌لنگن. اوشبو میکانیسم‌دن مقصد انسان قاچاقی و مهاجرلر قاچاقی قربانلریدن حمایت قیلیب و اولرگه یاردم بیریب و شونینگدیک، قاچاقچی‌لرنی تانیب قضایی اداره‌لریگه تانیشتیریب (2017- ییل مصوبه‌سی) انسان قاچاقی گه قرشی کوره‌ش قانونی اساسیده، دولت و دنیاجماعه‌چیلیگی‌گه یولچی‌لیک قیلیش بولگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم‌نینگ 8- ماده‌سینی 12- بندی گه انسانی حقلری کمیسیونی‌نینگ اِیشلری بونده‌ی کیلگن:
- مهاجرلر و انسان قاچاقی آلدی آلینیشی اوچون آگاه‌لنتریش و تعلیمات لایحه‌لرنی تیارلب عمل گه آشیریلیشی و مهاجرلر و انسانی قاچاقی جرم‌لریدن زیان کورگن کیشی‌لرنینگ انسانی حقلری ارزشی نظرگه آلینیشی.
- مهاجرلر و انسان قاچاقی گه تیگیشلی قانون‌لرنی تیارلش و اصلاحات کیلتیریش خصوصیده همکارلیک قیلیش.
- انسان حقلری کمیسیونی‌نینگ عمومی تیکشیرووی آستیده مهاجرلر و انسان قاچاقی‌دن زیان کورگن کیشی‌لرنینگ انسانی حقلری وضعیتی‌نی تیکشیریش.
- عمل گه آشیریلگن اِیش‌لرنینگ 4 آی‌لیک گزارشی‌نی مهاجرلر و انسان قاچاقی‌نینگ عالی کمیسیونی گه ارایه قیلیش.
- مهاجرلر و انسان قاچاقی جرم‌لریگه قرشی کوره‌شیش توغریسیده مهاجرلر و انسان قاچاقی گه قرشی کوره‌ش عالی کمیسیونی آرقه‌لی عمل گه آشیریلگن باشقه اِیشلر.
بدخشانده مهاجرلر ریاستی مسئولری‌نینگ ایتیشلریچه، ایران دن سورگون ایتیلگن مهاجرلر قاچاقچی‌لر توغریسیده یمان حکایه‌لری بار. سلام‌وطندارگه صحبت بیرگن بدخشان مهاجرلری ریاستی باشلیغی عبدالواحد طیبی‌نینگ ایتیشیچه، ایران دن سورگون ایتیلگن مهاجرلرنینگ کوپینچه‌سی باله‌لر دیر کیم چیگره‌لرده قاچاقچی‌لرنینگ غیر اخلاقی و غیر انسانی عمل‌لریگه دوچ کیلگنلر.
اونگه کوره، ییگیت‌لریمیزدن قطاری چیگره‌لرده یوقاتیلگن و شونینگدیک باشقه بیر قطاری‌‌دن برده صفتیده فایده‌لنگن.
طیبی‌نینگ کوپه‌یتیریشیچه، اِیش اوچون مملکت‌دن تشقی کیتگن مهاجرلرگه پول تولنمه‌یدی و اولر پولیس‌لرنینگ قولیگه توشیب و کوپینچه آزارلنیب و تحقیرلنگندن کیین مملکت گه سورگون ایتیله‌دیلر.
افغانستان حکومتی مهاجرلر و انسان قاچاقی گه قرشی کوره‌ش قانونی اساسیده، مهاجرلر و انسان قاچاقی خصوصیده اویغونلیک و خلق ارا همکارلیک ایجاد قیلیب و مهاجرلر و انسان قاچاقی گه قرشی جدی کوره‌شیشی کیره‌ک.
