بلوز موسیقه‌سی‌نینگ تانیقلی سلطانی، بی‌بی کینگ‌گه تانیلگن گیتارچی رایلی‌بی کینگ دنیادن اوتدی.
کینگ «مای لوسیل»، «راک می‌بیبی» و «سوییت لیتل انجل» ناملی ترانه‌لر اجرا ایتیشی بیلن خلق ارا شهرت قازانگن ارداقلی شخص ایدی.
میلادی 2003- ییلده «ولینگ ستون» کونده‌لیگی کینگ‌نی جیمی هندر یکس و روین آلمن‌دن کیین 100 گیتارچی ارا اوچینچی شخص تانیتگن ایدی. بی‌بی کینگ حاضرهم خلق ارا بلوز سبکی‌نینگ تانقلی و 20- قرن شهرتلی گیتارچالغوچی‌سی بیله‌دیلر.
اونینگ اجرا ایتگن کنسرت‌لری ساندن آشیب کیتگن بیر حالده، اورته‌لیک هفته‌ده ایکی کنسرت اجرا ایتگن‌لیگی اورغولنه‌دی.
میلادی 2005- ییلده می‌سی‌سی‌پی کینگشی مذکورتانقلی « بی‌بی کینگ» ناملی موسیقه چی‌دن منت‌دارلیک بیلدیریب،( 12- می) نی، بی‌بی کینگ کونی اعلام قیلگن ایدی.
کینگ می‌سی‌سی‌پی ایالتی‌ده دنیاگه کیلگن. یاشلیک‌ده ایکینچی‌لیک بیلن مصروف بولگن ییگیت، 40- دهه‌ده اوز استعدادی بیلن «راک اند رول» و « بلوز» گروه‌لریگه قوشیلیش‌گه قازاندی.
کینگ‌نی 15- و سونگی ساورینی میلادی 2009- ییلده «وان کایند فیور» ناملی آلبومی اوچون اهدا ایتیلدی.
مذکور بلوز سبکی‌نینگ استطوره‌سی 89 یاشده 70 ییل هنری فعالیتی بیلن دیابت کسل‌لیگی باعث امیریکه لاس‌وگاس ایالتی‌ده کسل خانه سیده جمعه کون دنیادن اوتدی.
