بلخ ولایتی بوییچه ساغلیق‌نی سقلش ریاستی باشلیغی خلیل‌الله حکمتی نینگ ایتیشیچه، کونده 50 دن باشلب 70 نمونه مملکت شمالی‌ده بولگن 9 ولایتدن بلخ ولایتیده انتقال بیریله‌دی و اولر انیق‌لش کیت‌لرنینگ کم‌لیگی بیلن دوچ کیلگن‌لر.
بلخ ولایتی بوییچه ساغلیق‌نی سقلش ریاستی مسوول‌لری نینگ ایتیشیچه، اوشبو ولایتده کرونا ویروسی‌نی انیق‌لش کیت‌لر یوباریلمه‌گن صورتده، انسانی فاجعه یوز بیریشی ممکن.
عین‌حالده، بلخ ولایتی کینگش باشلیغی افضل حدید نینگ بلخ ولایتیده جاری بولگن وضعیتدن خواطر بیلدیریب ایتیشیچه، عمومی قرنطینه اعلان قیلینیشیدن 8 کون اوتماقده، بیراق محلی و امنیتی مسوول‌لر شهرده بولگن گاوجوم‌لیک‌که مانع بوله آلمهگن.
شونینگدیک، نماینده‌لر کینگشی اعضاسی عبدالخالق، مرکزی حکومت نینگ دقت‌سیزلیگی‌دن تنقید قیله‌دی. اونینگ ایتیشیچه، بلخ ولایتیده بولگن قیین‌چیلیک‌لرنی نیچه مرته مرکزی حکومت مسوول‌لری بیلن شریک قیلگن، بیراق حاضرگه‌قدر اولر تامانیدن جدی شکلده دقت بولمه‌گن.
بیراق، بلخ یشاوچی‌لریدن بیرقطاری نینگ ایتیشیچه، حکومت تامانیدن ایشلاوچی‌لرگه ایچیم یول نظرگه آلینمه‌گن صورتده، کونده‌لیک یوریش چیکلاوی عمل‌گه آشیریلمه‌یدی.
ساغلیق‌نی سقلش وزیرلیگی تامانیدن بیریلگن ارقام‌لرگه کوره، مملکت بوییچه 840 کیشی کرونا ویروسی‌گه چلینگن و بو جمله‌دن 30 کیشی جان بیریب و باشقه 54 کیشی درمان‌لنگن دیر.
