بلخ ولایتیده مخابراتی فعالیت‌لر اوتگن کیچه ناتانیش آدرس‌دن تهدید ایتیلگنی سبب کیسیلگن.
بلخ ولایتی کینگش باشلیغی افضل حدید، مخابراتی ترماقلر بو حرکتی‌نی سیاسی بیر دسیسه عنوان قیلگن.
اوشبو ولایت یشاوچی‌لریدن بیرقطاری نینگ مخابراتی ترماقلر فعالیتی کیسیلگنی‌دن خواطر بیلدیریب ایتیشیچه، بو حرکت محلی مسووللرنینگ ضعف و مسوولیت سیزلیگی‌نی کورسته‌دی.
بلخ پولیس قومندانی اجمل فایز، مخابراتی ترماقلرنی آگاه‌لنتیریب و مخابراتی خذمت‌لر ینه کیسیلمه‌یشی اوستیگه تاکید قیلگن.
بلخ حاکمی سوزلاوچیسی منیر فرهاد، مخابراتی ترماقلر بو حرکتی‌نی قابل قبول ایمس دیدی.
بلخ ولایتیده مخابراتی ترماقلر مسووللر بو توغریده صحبت قیلیش‌نی ایستمه‌گن.
مخابراتی ترماقلرده کیلگن تهدیدلی پیام نینگ قیسی آدرس‌دن کیلگنی بیللی ایمس، بیراق قطار ولایت‌لرده بو ایش طالبان گروهی تامانیدن صورت تاپگن.
طالبان گروهی حاضرگه‌قدر بلخ ولایتیده مخابراتی ترماقلر کیسیلگنی خصوصیده فکر بیلدیرمه‌گن.
