بلخ ولایتی عیال‌لر ریاستی باشلیغی شهلا حدیدنینگ ایتیشیچه، «تعلیم القرآن قباء» اورگه‌تیش مرکزی ینگی‌لیک‌ده ترکیه مالی یاردمی بیلن مزارشریف شهری عیال‌لر بازاریده آچیلگن. اوشبو مرکز اوقوتووچیلری‌گه کوره، حاضرگچه اوقووچی قیزلردن کمیده 100 ته‌سی اوشبو مرکزده رویخط‌گه آلینگن و حاضر دینی تعلیمات آلماقده.
خانم حدیدنینگ ایتیشیچه، بلخ جدی صورتده بونده‌ی بیر اورگه‌تیش مرکزگه احتیاج ایدی؛ اوشبو شهر عیاللری ایریم دلیل‌لر باعث، دینی تعلیمات آلیش‌دن محروم قالگن. خانم حدید، بونده‌ی بیر اورگه‌تیش مرکز آچیلیشینی عیال‌لر و قیزلرنینگ دینی تعلیمات‌گه علاقه باغله‌شی خصوصیده، تأثیرچین دیب بیله‌دی.
«تعلیم القرآن قباء» مرکز بناسی عصری انشاعات‌لر بیلن بیزه‌تیلیب ایکی آی جریانیده، ترکیه مالی یاردمی و «تیکا» قوریش شرکتی تامانیدن قوریلیب ایش‌آلیش‌گه تاپشیریلگن. اوقوتووچیلرگه کوره، اوشبو مرکزده دینی تعلیمات یانیده قرآنکریم هم حفظ قیلینه‌دی.
بلخ ولایتی عیال‌لر ریاستی باشلیغی‌گه کوره، اوشبو ریاست یقین کیله‌جک‌ده ترکیه همکارلیگی‌ده، دینی تعلیمات مرکزلری‌نی مذکور ولایت اوزاق منطقه‌لریده کینگیتیریشی ممکن. دیمک افغانستان دینی مدرسه‌لری و تعلیمات مرکزلریده مذهبی عصیانچیلیک تعلیمات بیریلیشی خصوصیده گزارشلر ترقه‌تیلگن، بیراق خانم حدیدنینگ ایتیشیچه، اوشبو مرکز دولت نظارتی‌گه بوله‌دی و اولر بو مرکزده عصیانچیلیک تعلیمات بیریلیشی خصوصیده هیچ قچان رخصت بیرمه‌یدی.
اوتکن (چهارشنبه کون) افغانستان تیکشیریش و تحقیق بولیمی(AREU)نینگ مملکت لیسه مکتب‌لریده سیاسی فعالیت‌لر وضعیتی قنده‌ی لیگی باره‌سیده اوتکزگن تحقیقی گزارش‌ده گروه‌لر و اشدی اسلامی حزب‌لر یاشلر ایچی‌گه نفوذ قیلیب اوشبو قتلم‌نی عسکرلیک‌که آلیش‌گه باشله‌گنی توغریسیده معلومات بیرگن ایدی.
