بلخ ولایتیده مخابراتی ترماقلر کیسیلگنی اوشبو ولایت سوداگرلریگه قیین‌چیلیک یره‌تگن.
بلخ سوداگرلریدن بیرقطاری نینگ ایتیشیچه، مخابراتی ترماقلر کیسیلیشی بیلن بو ولایتده بانکی سیستم‌لر هم توخته‌تیلگن و اولر سرمایه‌لرینی چیت‌ایللیک مملکت‌لرده انتقال بیریشیگه مجبور بولگنلر.
بلخ ولایتی بوییچه صنعت و سوداگرلیک اتاقی باشلیغی آرش یونسی نینگ محلی حکومت‌نی آگاه‌لنتیریب ایتیشیچه، سوداگرلر میلیونلرچه دالر زیان کورگن و کیله‌جک نیچه کونگچه مخابراتی ترماقلر فعال بولمه‌گن صورتده، ناراضلیک بیلدیره‌دیلر.
عین‌حالده، بلخ حاکمی سوزلاوچیسی منیر فرهاد، مخابراتی ترماقلر حرکتی‌نی قانونگه قرشی عنوان قیلیب و بو ولایتده مخابراتی ترماقلر فعالیتی محلی مسووللر بیلن هماهنگ‌لیک بولمه‌گن بیرچاغده کیسیلگن‌لیگی نی بیلدیرگن.
جناب فرهاد نینگ کوپه‌یتیریشیچه، اولر بو قیینچیلیکنی مرکز بیلن شریک قیلگنلر و مخابرات وزیرلیگی تامانیدن تیکشیریله‌دی.
بلخ ولایتیده مخابراتی ترماقلر مسووللری نیچه پیت آلدین ناتانیش آدرس‌دن تهدید ایتیلگن‌لری سبب، مخابراتی فعالیت‌لرنی توخته‌تیب قوییگنلر.
