بلخ یشاوچیلریدن بیرقطاری نینگ ایتیشیچه، مذکور ولایت نینگ تأریخی آبده‌لری نابود بولماقده و محلی مسؤوللرنینگ اولرنی سقلش خصوصیده، بی‌فرق یانده‌شیش گه عیب‌لیدی.
بلخ شهرلرنینگ آنه‌سی صفتیده شهرت قازانگن و او اونلرچه مدنی میراث جمله‌دن توقیزگنبد مسجدی، مولاناجلال‌الدین‌محمد بلخی نینگ آته‌سی سلطان‌العلما بهاوالدین ولد مدرسه‌سی، بلخ تومنی نینگ تأریخی دیوارلری، خواجه‌اکه‌شاه ولی مقبره‌سی، تورت گنبد مقبره‌سی، خواجه ابونصر پارسا مسجدی و رابعه بلخی مقبره‌سینی اوز اوچیده جای بیرگن، بیراق محل یشاوچیلری نینگ ایتیشیچه، اوشبو تأریخی آبده‌لردن بیرقطاری ییقیلیب توشماقده.
بلخ یشاوچیلری، مسؤول اداره‌لردن مملکت تأریخی آبده‌لری اینیقسه بلخ آبده‌لری سقله‌نیشی خصوصیده جدی شکلده دقت قیلیش‌لرینی سوره‌گن.
بیراق، بلخ مدنیت و معلومات ریاستی باشلیغی صالح‌محمد خلیق نینگ ایتیشیچه، بو ولایتده تأریخی آبده‌لردن بیرقطاری قیته قوریلگن، بیراق باشقه بیرقطاری نینگ قیته قوریلیش ایشی نامعلوم دلیل‌لر باعث، حاضرگچه باشلنمه‌گن.
بلخ مدنیت و معلومات ریاستی تامانیدن بیریلگن معلومات اساسیده، مذکور ولایتده کمیده 120 تأریخی بنا و آبده موجود و ییل‌ده چمه‌سی بیر میلیون سیاستچی بو ولایت گه کیلیب و بو تأریخی آبده‌لرنی کوریب چیقه‌دیلر.
