خانم‌لر اوزلری اوچون جامعه ایریم بولیم‌لریده اوز اورینلرینی تاپیش‌گه اولگورماقده‌لر. بوندن آلدین ناپسنت سنتلر حاکم‌لیگی، جامعه نینگ اوشبو صنعتنی قبول قیلمس‌لیگی و ایرکک پسندلیک توشینچه‌لری یوقاری سطح‌ده بولگن‌لیگی سبب عیاللر جامعه‌ده اونچه‌لیک تأثیر قالدیرالمسدیلر و خانم‌لرنینگ رسم هنریگه یانده شمه گنلری هم شوندن تأثیرله‌نردی.
بیراق حاضرچه عیاللرنینگ جامعه‌ده حضورلری کوزگه کورینیب، خانم‌لرگه مخصوص رسم چیزیش هنریگه قیزیقتیریش مرکزلری آچیلیب تلاش‌لر قیلینماقده.
بلخ خانم‌لری اوچون رسم چیزیش مرکزینی آچگن 23 یاشر حفیظه محمدی نینگ ایتیشیچه، خانم‌لرگه رسم هنرینی تیکین شکلده اورگته‌دی. خانم محمدیگه کوره، تصویری صنعت اورگه تووچیلریدن کوپیسی ایرکک بولگنی سبب، خانم‌لر یخشی‌لب اورگه‌نیشگه قینلردیلر. اونینگ کوپه یتیریشیچه، خانم‌لر اوچون تینچ محل ایجاد ایتیب رسم چیزیش هنرینی اورگته‌دی.
رسم چیزیش هنریگه قیزیگه قدیگن خانم‌لرنینگ ایتیشیچه، بوندن آلدین رسم چیزیش هنرینی اورگه‌نیشگه خانه‌دانلری رخصت بیرمسدیلر، بیراق بو صنعت باره‌سیده کوپلب معلومات بیریلگنی و خانم‌لر اوچون مخصوص مرکز آچیلگن‌لیگی دلیل خانه‌دانلر توسیق چیقمه‌سدن رخصت بیره‌دیلر.
بلخ رساملریدن بیری حدیسه احمدی نینگ ایتیشیچه، اهالی نینگ رساملیک هنری اوچون توشینچه لریگه اوزگریش کیلگن و ایندی قیزلریگه قرشی‌لیک قیلمیدیلر.
رساملردن باشقه بیری آدینا غریب، ینگی نسل فرهنگ توزه‌تیشگه اولگوره‌دی و خانم‌لر حقلرینی تأمین ایتیش باره‌سیده بیر بولیب سیس چیقاره آله‌دیلر دیدی. او، خانم‌لردن کوپیسی حیاتینی اوی نینگ تورت دیواری ارا اوتکزیشیگه اچینه‌دی.
بلخ‌لیک رسام خانم‌لر، رساملیک صنعتی بیلن جامعه عیاللری نینگ قیینچی‌لیگینی عکس ایتیره‌میز دیدیلر.
بلخ ولایتی نینگ اخبارات و مدنیت ریاست باشلیغی صالح‌محمد خلیق رساملیک صنعتی‌گه خانم‌لرنینگ قیزیقیشی‌گه قره‌تیب ایتیشیچه، بلخ ولایتیده خانم‌لرنینگ رساملیک صنعتی‌گه دقت قیلگن‌لیکلری سبب، اوشبو صنعت کوزگه کورینرلی درجه‌ده اوسیشگن. او، یشاوچی‌لردن کوپیسی رساملیک صنعتینی قیزیقتیرمه عنوانیده کورگنلری سبب رساملیک صنعتی‌گه اونچه‌لیک توجه قیلینمه‌گن ایدی دیدی.
شو سونگی ییللرده افغانستان، اینیقسه بلخ ولایتیده رساملیک صنعتی کوزگه کورینرلی درجه‌ده اوسگن و کوپلب مرته اهالی بوصنعتنی خوش قرشیلیدی.
