بیر قنچه مدنی فعاللر و سیاسی تحلیلچیلر، حکومت‌دن مملکت‌ده طالبلرنی حمایت قیلیش بیلن مشغول سیاسی سیمالر توغریسیده جدی تدبیر آلیب، اولرنی محاکمه قیلیش‌نی سوره‌گنلر. اولر، حکومت‌دن سابق جمهور رییس حامدکرزیگه بیریله‌دیگن امتیاز بیریلمس‌لیگینی طلب قیلگنلر. شونینکدیک کرزی‌نینگ نامی کابل قونالغه‌سی اوستیدن کوتاریلیشی باره‌سیده تاکید قیلگن فعاللر.
اخیرگی وضعیت توغریسیده خواطر بیلدیرگن مدنی فعال سمیع دره‌یی، حکومت حامد کرزی‌نینگ بوتونله‌ی امتیازینی توخته‌تیشی باره‌سیده اورغولب؛ اونی محکمه قیلیشی‌نی سوره‌گن.
اونینگ تعبیریچه، سابق جمهور رییس زمانیده تورمه‌دن آزاد قیلینگن قوراللی طالبلر افغانستان‌نی حاضرگی بحرانی اوچون بیرینچی عامل حسابلنه‌دی.
باشقه بیر مدنی فعال آصف همراز، طالبان‌نی سیاسی حمایت قیله‌دیگنلر جنگری طالبلردن کوره یوز مرته یامان ایکن لیکلرینی ایته‌دی. او، طالبلرنی حمایت قیله‌دیگنلر حکومت آرقه‌لی نابود قیلینیب اوییده محبوس بولیشی مقصدگه موافق دیگن.
سلام‌وطندارگه صحبت بیرگن سیاسی تحلیلچی آصف آشنا، ترورچی گروه‌لرنی سیاسی نقطه نظردن حمایت قیله دیگنلر، سیاسی انقراضنی سیکین لشتیریش اوچون سعی وحرکت آلیب باریشلری خصوصیده تاکید قیلگن.
اوشبو سیاسی تحلیلچی، ترورچی گروه‌لرنی سیاسی قوللب قوتله‌یدیگنلر، ترورچیلر و خودکش واسکتلرنی سیاسی قدرت اوچون عملده سواستفاده قیلیب کیلماقده‌لر دیگن.
اما، افغانستان سابق جمهور رییسی حامد کرزی بوگون (یکشنبه) توشدن کیین کابل‌ده اوتکزگن خبری انجمنده، قوراللی طالبلرنی تینچلیک لایحه‌سیگه قوشیلیب اوروش‌دن قول کوتاریش مقصدیده ایناغه خطاب قیلگن لیگینی تیلگه آلدی.
کرزی، طالبلردن امریکاگه افغانستانده ییریک قوراللینی ایش‌گه سالیشی اوچون زمینه یره‌تیب بیرمسلیکلرینی طلب قیلدی.
سابق جمهور رییس کرزی هنوزگچه قوراللی طالبلرنی یوزلب مرته ایناغه خطاب قیلیب، اولرنی تینچلیک مذاکره‌سیگه قوشیلیش‌گه اونده‌ب کیلگن.
جناب کرزی سونگی مرته ییتکرمه‌لردن بیریگه بیرگن صحبتی‌ده، افغانستان نینگ یریم توپراغی قوراللی طالبلر اختیاریده دیگن ایدی. شونینگ اوچون اولر سیاسی بیر جریان صفتی‌ده تَن آلینیشی کیره‌ک دیگن ایدی کرزی.
