.jpg)
افغانستانده ییرلشگن خلق ارا حربی کوچلر بوندن 8 کون آلدین اتم سیز اینگ ییریک بمبنی ننگرهار ولایتی نینگ اچین تومنیگه تشلهگن بیر پیتده قوراللی طالب ییریک حربی بیر مرکزگه هجوم قیلدی. هجوم افغان ملی کوچلری جمعه نمازی عبادتی بیلن بند بولگن بیر پیتده روی بیردی.
هجومده قربان بوگنلرنینگ سانی دستلبک کم اعلان قیلیندی. لیکن، حادثهدن بیر نیچه ساعت اوتگندن کیین تلفات رقمی کوتیلمهگن درجهده آشیب کیتدی. ایتیلیشیچه، اوشبو هجومده 140 حربی قربان بولگن و 160 حربی ایسه تن جراحتی آلگن.
بلخ ولایتیده جایلیشگن شاهین 209- قول ارودسی جنگری طالبان آرقهلی گروهی هجوم آستیگه آلیندی.
نمایندهلر مجلسی نینگ اعضالری و سیاسی تحلیلچیلر، ملی کوچلرنینگ معلومات قولگه کیریتیش بولیمی کوچ سیز ایکنلیگی بوندهی حادثهلرنینگ یوز بیریشیگه باعث بولهدی دیگنلر.
نمایندهلر، امنیتی بولیمده معلومات قولگه کیریتیش اوچون حکومت ملی کوچلرگه توسیق بولمسلیگی اوستیده تاکید قیلگنلر. نمایندهلر مجلسی نینگ اعضاسی عارف نوری، ملی کوچلر افغانستان یاولری مقابیلیده بار کوچی بیلن کورهشهدی؛ لیکن، ملی کوچلرنینگ معلومات بولیمی کوچ سیز دیدی.
.jpg)
حربی تحلیلچی عتیقالله امرخیل نینگسلاموطندار بیرگن صحبتده، ایشگه بولمس مدیریت، ییریک فساد، واسطهچیلیک و جزا قانونی کوچگه کیریتیلمس لیگی قوراللی طالبلرنینگ ملی کوچلر صفیده اورین آلگن لیگینی تیلگه آلهدی.
جناب امرخیل، افغانستان حکومتی نینگ بلند مرتبهلی رسمیلری مملکتده خذمت قیلیش اورنیده چوکی اوچون تَلَشه دیلر دیدی.
باشقه بیر حربی تحلیلچی کابلخان تدبیرنینگ سلاوموطندارگه ایتیشیچه، افغان ملی کوچلری نینگ معلومات بوییچه ادارهلری درست شکلده جهازلنمهگن حالده، وضعیت بوندن کوره یامان بولیشی امکاندن اوزاق ایمس.
اوشبو حربی تحلیلچی، مکافات و مجازات قانونی یوق لیگی و زوروان شخصلرنینگ کیشیلری ملی کوچلرگه کیریب آلیشی مملکتنی هر کون بوندهی حاثه گواهی بولیشی اوچون زمینه یرهتگن لیگی بارهسیده تاکید قیلهدی.
اما، افغانستان ملی مدافعه وزیرلیگی نینگ سوزلاووچیسی دولت وزیری، تحلیلچیلرنینگ بو قبیل سوزلرینی رد قیلیب، سونگی نیچه ییل جریانیده ملی مدافعه وزیرلیگی نینگ تورلی بولیملریگه ملکهلی شخصلر ایشگه آلینگن دیدی. اونینگ سوزلریگه کوره، افغان ملی کوچلری حاضرهم مملکت نینگ نیچه ولایتیده قوراللی طالبلرگه قرشی اوروش قیلهدی.
شونینگدیک جناب وزیری، شاهین 209- قول ارودوسیده جنگریلرنینگ نفوذی بارلیگینی در قیلیش نا ممکن دیگن. عین حالده، نمایندهلرمجلس اعضالریدن تشقری اجتماعی صحیفهلرده فعالیت قیله دیگنلر هم اوتگن کون شاهین 209- قول اورد ده صادر ایتیلگن هجومده حکومت نینگ بلند مرتبهلی رسمیلرینی بیفرق لیکده عیبلهگنلر.
