217 پامیر قول اردو قومندانلیگی نینگ 3- لوا قومندانی عباس توکلی نینگ سلام‌وطندارگه ایتیشیچه، چیت‌ایللیک و افغانستان‌لیک کوچلرنینگ هوایی هجوم‌لری نتیجه‌سیده، طالبان جنگریلریدن 33 ته‌سی هلاک ایتیلیب و باشقه 35 ته‌سی یره‌لنگن دیر.
اونینگ کوپه‌یتیریشیچه، طالبان گروهی بغلان ولایتی‌نینگ برکه تومنیده هجوم قیلیب، بیراق شکست بیلن دوچ کیلیگن.
توکلی نینگ ایتیشیچه، طالبان گروهی نینگ چچین‌لیک اعضالریدن 7 ته‌سی و بو گروه قیزیل قطعه‌سی جنگریلریدن 12 ته‌سی هلاک ایتیلگنلر جمله‌سیدن دیر.
اونینگ کوپه‌یتیریشیچه، بو واقعه‌ده طالبان قومندانلریدن ایکی ته‌سی یره‌لنگن دیر و طالبان گروهی‌گه تیگیشلی بولگن قطار حربی تجهیزات امنیتی کوچلر قولیگه توشگن.
عین‌حالده، بغلان ولایتی‌نینگ برکه تومنی‌نی پولیس قومندانی محمدعلی ابراهیمی‌گه کوره، امنیتی کوچلر و طالبان جنگریلری آره‌‌سیده یوز بیرگن آتیشمه‌ده امنیتی کوچلردن 10 ته‌سی هلاک ایتیلیب و باشقه 7 ته‌سی یره‌لنگن دیر.
طالبان گروهی حاضرگه‌قدر بوتوغریده فکر بیلدیرمه‌گن.
