سرپل ولایتیدن بدرغه بولیب حاضر بغلان ولایتیده یشه‌یدیگن عایله‌لرنینگ آگاه‌لنتیریشیچه، باشقه نیچه کونگچه ییگولیک آذیق-آوقت گه قول تاپه آلمه‌گن صورتده، باله‌لری آچیلیک‌دن اولیشی ممکن.
سرپل ولایتیدن بدرغه بولگن ایکی کیشی دلخواه و نوربی‌بی نینگ ایتیشیچه، قوروقچیلیک و سوو تاشقینی اولرنینگ بدرغه‌لیگی‌گه سبب بولگن؛ حاضر ایسه آچلیک اولرنینگ جدی قیین‌چیلیک‌که روپه‌ره قیلگن.
اوشبو بدرغه‌لرنینگ مردمی کینگشی باشلیغی عبدالغفور، دولت‌دن بو بدرغه‌لرگه دقت قیلیشی‌نی سوره‌یدی و دقت قیلینمه‌گن صورتده، انسانی مصیبت یوز بیریشی ممکن.
بغلان حاکمی سوزلاوچیسی محمود حقمل، بدرغه‌لرنینگ ادعالرینی تصدیق‌لیدیدی؛ بیراق ایتیشیچه، اولرنینگ قیین‌چیلیک‌لری حل ایتیلیشی خصوصیده، سعی و حرکت دوام ایتماقده.
سرپل مملکت شمالی‌ده ناتینچ ولایت‌لریدن بیری سنله‌دی. اوروش و ثبات‌سیزلیک‌که قوشیمچه، حاضر قوروقچیلیک مذکور ولایت یشاوچیلرینی جدی قیین‌چیلیک‌که روپه‌ره قیلگن.
