بغلان ولایتی‌ده بیر عایله اعضالری نینگ ادعا قیلیش‌لریچه، امنیتی کوچلر پلخمری شهری نینگ چشمه شیر منطقه‌سیده هوایی هجوم ایوشتیرگن کیم نتیجه‌ده، 3 باله هلاک و شونینگدیک باشقه 2 عیال و بیر باله یره‌لنگن.
اولرگه کوره، مذکور حادثه اوتگن کون (جمعه 16-حمل) شام چاغی یوزبیرگن.
مذکور عایله نینگ آبه‌سینی اوغلی سلام‌وطندارگه صحبت بیریب ایتیشیچه، طالبان و امنیتی کوچلر آره‌سیده آتیشمه یوزبیرگنیدن کیین بو حادثه یوزبیرگن.
اوشبو عایله اعضالری گه کوره، بو حادثه‌ده هلاک ایتیلگن باله‌لرنینگ یاشی 10 دن قویی ایکن. اولر حکومتدن بو حادثه تیکشیریلیشی نی سوره‌شگن.
بغلان ساغلیک ریاستی اورین‌باسری عبدالعلیم غفاری نینگ ایتیشیچه، شونینگدیک مذکور حادثه‌ده باشقه 6 کیشی یره‌لنگن.
بغلان امنتیی مسئوللری بو حادثه توغریسیده حاضرگچه هیچ بیر نرسه دیمه‌گن.
