بغلان ولایتی ساغلیق‌نی سقلش باشقرمه‌سی نینگ مسووللری، قویاش 1395- ییلده روحی کسللیککه چَلینگن 22 مینگ 974 کیشی ولایت نینگ شفاخانه‌سیده دوالنگن لیگینی معلوم قیلدیر.
بوگون (سه‌شنبه) بغلان ساغلیق‌نی سقلش ریاستی نینگ باشلیغی داکترمحب‌ا‌‌لله حبیب پلخمری شهریده خلق ارا ساغلیق کونی مناسبتی بیلن اوتکزیلگن ییغین‌ده اوشبو ریاست نینگ بیر ییللیک گزارشنی تقدیم ایتگن.
یوقاریده ایتیلگن کسللر تیگیشلی داکترلر همده 14 کیشی روحی مصلحتچیلر تامانیدن دوالنگنلر. اونینگ ایتیشیچه، بسترگه یاتقیزیلمه‌گن بیر میلیون آلتی یوز کسل، بسترگه یاتقیزیلگن 3مینگ کسل، 3613 جراحلیک، 1576 توبرکلوز، 19749توغیلیش، 746 حربی و ناحربی شاشلینچ واقعه و شونینگدیک ترافیک حاثه‌ده یره‌لگن 1333 کیشی دوالنگن.
بغلان ساغلیق‌نی سقلش اداره‌سی نینگ باشلیغی، اوتگن ییلده ده‌صلاح، خوست‌وفرنگ و تاله‌وفرفک تومنلریده کوچیلر اوچون ساغلیق بیر تیم ایجاد قیلگن‌لیکلرینی ایتگن.
جناب حبیب، ولایت نینگ مرکزی شفاخانه‌سیده باله‌لر چقه‌لاقلرنی هم فعال قیلگن‌لیکلرینی تیلگه آلگن.
بغلان خاتین – قیزلر ریاستی نینگ باشلیغی خدیجه یقین، ساغلیق‌نی سقلش اداره‌سی نینگ مسووللریدن ساغلیق خذمتلری اینیقسه روحی کسللیککه چَلینگنلرنی دوالش نیتیده ولایت نینگ اوزاق حدودلریده حیات کیچیره‌دیگن اهالی‌گه کوپراق اعتبار بیریشلرینی طلب قیلگن.
مملکت‌ده روحی کسللیککه چَلینگنلر توغریسیده انیق معلومات بولمس لیگی‌گه قره مه‌ی؛ اما خلق ارا ساغلیق‌نی سقلش تشکیلاتی نینگ گزارشی‌ده افغانستان اهالیسی نینگ 2 میلیونی روحی کسللیک‌دن اذیت چیکیشی قید ایتیلگن.
گزارش‌ده قشاقلیک، نا برقرارلیک، ایش‌سیزلیک، جسمی کسللیک، جنسی زوروانلیکلر و مخدر ماده‌لرنی ایشله‌تیش روحی کسللیکلرگه بیریلیش نینگ اساسی عاملی بولگن لیگی قید ایتیلگن.
